الورقي
هموت نفسي عشان أخلص منك
ضحية الياميش.. نص التحقيقات وأقوال المتهم بقتل زوجته ممرضة أكتوبر
ننشر نص التحقيقات والتفاصيل المثيرة فى واقعة مقتل فتاة تدعى فاطمة.س 19 سنة، ممرضة أكتوبر، على يد زوجها، في القضية التي تحمل رقم 890 جنح 2023 بسبب عدم شراء أسرتها "ياميش رمضان" لهما.
قضية ممرضة أكتوبر ضحية الياميش
ننشر أقوال المتهم بقتل زوجته ممرضة أكتوبر ضحية الياميش
وحصل النبأعلى نص التحقيقات في القضية وجاءت أقوال المتهم كالتالي: اللي حصل أن امبارح 2023/4/6 بعد ما فطرت وديت مراتي المستشفى علشان هي كانت متعورة قدامي وبتجيب دم علشان السكينة اللي مسكاها في أيدها دخلت تحت صدرها علشان أنا كنت بشد منها السكينة، عشان ما تأذيش نفسها علشان هي كانت قايلالي أنا هموت نفسي عشان أخلص منك.
هموت نفسي عشان أخلص منك.
أقوال قاتل ممرضة أكتوبر
وأضاف المتهم في التحقيقات: هي كانت في المطبخ وأنا روحت لها المطبخ علشان أشوف في ايه، ولما دخلت عليها المطبخ رحت أنا ماسكها من وشها وقولتلها ما تموتي نفسك، فقالتي أنا ما بهزرش وساعتها هي مسكت السكينة رحت حطيت أيدي اليمين على رقبتها علشان اعرف أخذ منها السكينة.
وتابع المتهم: أنا ساعتها كنت ماسك أيديها اللي فيها السكينة وهي بتحاول تفلت من تحت أيدي اللي ماسك بيها رقبتها وهي رجعت لورا وانحنت بنفسها لورا وهي بردو ماسكة السكينة، فأنا لما شفت شكلها كده طلعتها بره المطبخ علشان المطبخ ضيق فأنا لقيت فيه دم نازل من عند صدرها فروحت جبت مناديل من أوضة النوم بس المناديل ما كنش مكفية فرحت جبت مناديل من الريسبشن.
وأردف المتهم: فتحت الباب وقعدت أنادي وأصوت ما حدش جالي، فكلمت أبويا وقولتله، وفعلا أبويا جالي وطلعلي الدور الخامس ونزل فاطمة معايا، وأمي كانت تحت وصوتت ولقيتها جابت عربية سوزوكي، ورحنا بيها على مستشفى أكتوبر المركزي وهناك الشرطة قبضوا عليا والدكتور قالي أن مراتي ماتت.
تفاصيل واقعة مقتل ممرضة أكتوبر
وقالت والدة ممرضة أكتوبر، إن ابنتها كانت من الفتيات الملتزمة لتمتعها بأخلاق حسنة وطيبة، لافتة إلى أنها كانت تحافظ على أداء الصلوات بشكل دائم وحياتها كانت مقتصرة على دراستها فقط.
وأضافت: بنتي كانت زي النسمة ومكناش بنحس بيها، على طول كانت في حالها وأدب وأخلاق الدنيا كلها كانت فيها، طوب الأرض كان بيقول عليها ملاك الرحمة ومتستاهلش اللي حصل فيها ده.
