الورقي
تعرف على طلب سواريش الغريب وغضبه من لاعبى الاهلى وقرار يخص الشناوى
بدأ ريكاردو سواريش المدير الفنى البرتغالى للاهلى يستكشف بعض الأمور داخل الفريق ويقدم بعض الطلبات والاستفسارات خلال الساعات الماضية بعدما بدا يضع يده على بعض الأمور داخل الفريق كما بدأ يطلب بعض الطلبات التى تؤكد إنه يريد معرفة كل كبيرة وصغيرة تخص الفريق.. وخلال السطور التالية نكشف بعض طلبات سواريش وقراراته..
سواريش يطلب لائحة الفريق المالية
اول طلبات سواريش خلال الأيام الماضية هو الاطلاع على لائحة الفريق المالية الخاصة باللاعبين من حيث مكافات المباريات وكذلك العقوبات التى توقع عليهم فى حالة الخسارة حتى يكون له رؤية لكل ما يحدث فى الفريق خلال الفترة المقبلة..
سواريش يطلب مهلة شهر لتحديد موقف بعض اللاعبين
سواريش بلغ لجنة التخطيط إنه محتاج شهر بس وبعدها هيحدد موقفه بشكل كبير من موقف بعض اللاعبين عشان ميكونش فى اى تسرع فى الحكم على اى لاعب.
تعديل جديد فى عقد الشناوى بنهاية الموسم
لجنة التخطيط بلغت محمد الشناوى كنوع من الدعم الكبير والتقدير ليه خصوصا مع تكرار رفضه عرض كبير جدا بتعديل جديد فى عقده بنهاية الموسم وبشكل مرضى جدا.. الكلام ده تم إبلاغه للشناوى من كام يوم.
الاهلى يربط صرف المستحقات بالفوز ٣ مباريات
الاهلى مش جمد مستحقات اللاعبين بس قرر إنه يربط صرف المستحقات دى بالفوز فى ال٣ مباريات الجاية سواء فيوتشر وبيراميدز والزمالك فى نهائى الكأس مع وعد بصرف مكافأة كبيرة للفوز خصوصا ببطولة الكاس.. الكلام ده تم إبلاغه للاعبين على جروب الواتس..
كلمات غاضبة من سواريش بعد التعادل مع الجونة
سواريش تمتم بكلمات غاضبة داخل غرفة ملابس الفريق بعد مباراة الجونة.. وقال للعيبة اولا مازلت اثق فيكم لكن طلبت تحركات لم تنفذ فى الملعب.. اضاعة الفرص السهلة غير مقبول بالمرة الفترة القادمة.. مستعد لحمايتكم ولكن لا بد أن تحموا أنفسكم بالجهد داخل الملعب.. أين الروح المعروفة عن الاهلى ليست موجودة.
