بعد سخريتها من ملابسه الشفافة.. أحمد سعد: سمية الخشاب تقول اللي هي عايزاه

علق النجم أحمد سعد، على تعليقات طليقته النجمة سمية الخشاب على إطلالته الشفافة، التي ظهر بها في حفله الغنائي بمدينة جدة في المملكة العربية السعودية، مما عرضه للانتقادات اللاذعة.

وقال أحمد سعد على هامش حضوره حفل توزيع جوائز ميدل إيست ميوزك أورد MEMA – الميما، الذي أقيم يوم الأربعاء بمدينة العلمين الجديدة: "سمية الخشاب تقول اللي هي عايزاه، وكل واحد يقول اللي هو عايزه وهما كلهم جمهوري وكلهم ناس عايزين مصلحتي، وإنها ترقص على أغنيتي أكيد هي بتحب تشجعني دايمًا وأكيد بتحبلي الخير وإني أكون ناجح، وأكيد الناس مش عايزة تصطاد ليا الأخطاء، كلهم عايزنّي أبقى أحسن وبقيت بالفعل.

أحمد سعد يرد على سمية الخشاب

وكشف أحمد سعد عن رأيه في الانتقادات التي طالته بسبب الإطلالة الشفافة بالسعودية قائلًا: "أنا بشكر كل الناس اللي هاجمتني، لأنهم شايفين إني فرد من أسرتهم وواحد منهم ومارضيوش عليا كده إني ألبس حاجة وحشة، حسيت إني جوا كل بيت وجوا كل أسرة".

وأضاف "سعد": مش هظهر كده تاني، ولو في حاجة شبك هخيطها أنا على إيدي.. والناس شايفني في حتة تانية وجوا بيوتهم وأسرتهم، ياما ناس لبست كده ولبست حاجات تانية، ولكن أنا فعلًا مش الناس اللي بتصر على الحاجات الغلط، وبطلع أقول أنا غلط ما دام معجبهمش".

سمية الخشاب تسخر من ملابس أحمد سعد

يذكر أن النجمة سمية الخشاب قد علقت على ظهور النجم أحمد سعد بملابس شفافة بحفله الأخير بالمملكة العربية السعودية، وكتبت عبر حسابها على موقع التدوينات القصيرة تويتر: "وأنا أقول لبسي راح فين؟".

أغنية اختياراتي مدمرة حياتي

أطلق النجم أحمد سعد، منذ أيام قليلة، أغنية "اختياراتي" من فيلم "مستر إكس"، الذي يقوم ببطولته: أحمد فهمي، وهنا الزاهد، وبيومي فؤاد، والمقرر عرضه خلال موسم أفلام عيد الأضحى.

أغنية اختياراتي من كلمات: منة عدلي القيعي، وألحان وتوزيع موسيقي أحمد طارق يحيى.