الورقي
حجز المأذون الموقوف لإجراء التحريات..
بطل واقعة «اتجوزوا بسرعة».. تطورات جديدة في واقعة المأذون المزيف وشريكه
أصدرت جهات التحقيق، قرارًا بحبس المأذون المزيف ياسر القرشي، صاحب واقعة «اتجوزوا يا شباب بسرعة قبل إقرار قانون الأحوال الشخصية» وهو ما أحدث جدلًا واسعًا على مواقع التواصل الاجتماعي، 4 أيام على ذمة التحقيق.
وكشفت التحقيقات، أن الشيخ ياسر القرشي، قارئ للقرآن الكريم ولا علاقة له بمهنة المأذونية بشكل رسمي، ولكنه حصل على الدفاتر الخاصة بوثائق الزواج من المأذون محمد محمد درويش مصطفى، المأذون الشرعي الذي تم إيقافه بقرار من محكمة الأسرة بعابدين بعد تورطه في مساعدة «المأذون المزيف» بالمخالفة للقانون ولائحة المأذونين.
كما تقرر حجز المأذون الموقوف محمد محمد درويش مصطفى، 24 ساعة بتهمة الاشتراك مع مدعي المأذونية ياسر القرشي، بأن منحه دفاتر المأذونية، وسمح له بالتعامل بها وإبرام عقود الزواج والطلاق، زاعمًا أنه مساعد مأذون، وذلك في قضايا جنائية كشفت عنها محكمة الأسرة، لإجراء التحريات حول الواقعة.
وبعد القبض على المأذون المزيف، تداول أحد رواد مواقع التواصل الاجتماعي «فيسبوك» يدعى «كريم»، يعمل محاميا، قصة حدثت مع المأذون خلال خلافات أسرية بينه وبين زوجته: «المأذون اللي كاتب يلا عجلوا بالزواج قبل رسوم الصندوق أعرفه كويس، ده صديق شخصي، بداية معرفتي بيه صاحي من النوم لا بيا ولا عليا لقيت المدام بتقولي طلقني، طيب فيه إيه هو أنا ضايقتك في الحلم مثلا؟، قالت لا هو كده ويلا لازم ننزل للمأذون دلوقتي، يهديكي يرضيكي مفيش حل.. المهم قولتلها طب هنزل أجيب حاجة من العربية وكلمت المأذون ده قولتله بص إحنا هنيجي هتقولها يا بنتي ده أبغض الحلال والكلمتين دول وتبوظ الموضوع».
وتابع الزوج: «رحنا أول ما دخلنا هات يا ابني بطاقتك وإنتي بطاقتك، وأنا طلعت بطاقتي مش مدي خوانة، وهوب بدأ يكتب وشغال الله ينور، وأنا طبعا في سري بتمتم بشوية كلمات من اللي قلبك يحبهم، بعدين قولتله طب ما تيجي بره في كلمتين يا مولانا أعرف أتعابك كام، طلعنا أنا وهو بره فبقوله ده اللي اتفقنا عليه؟، قالي ما هي مصممة قولتلة هي لحقت تقول السلام عليكم حتى، قالي طب خلاص أخد أتعابي ألفين جنيه، بصتله كده وقولتله ماشي اتفضل، المهم دخل تاني وقالها إيه يا بنتي الاستعجال في خراب البيوت ده؟، دا إنتي معاكي راجل جوهرة وأدي الورق اهو وراح مقطعه، طبعا وأنا قاعد قعدة عادل إمام لما دخل الجامع في فيلم مرجان أحمد مرجان التقوي بتشر من وشي».
