رئيس التحرير
خالد مهران
count
count
count

المتهم السادس يكشف الأسماء الكاملة للمتعدين على صيدلي حلوان

صيدلى حلوان ووالده
صيدلى حلوان ووالده

كشف المتهم السادس فى واقعة سقوط صيدلى حلوان المدعو محمد عصام السيد أبو زيد 28 سنة، تاجر مواد غذائية  بالتحقيقات عن المتعدين على دكتور ولاء قبل سقوطه فى شقة الزوجية، وسبب تواجده فى مكان الواقعة، ودور كل منهم فى الواقعة، واليكم تفاصيل نص التحقيقات.

صديق شقيق زوجة صيدلى حلوان

وجاء في أقوال المتهم السادس، محمد عصام السيد أبو زيد 28 سنة، ويعمل تاجر مواد غذائية             

س / ما صلتك بالمتوفى إلى رحمة الله تعالى ولاء سعيد مصطفي؟
صديق شقيق زوجة صيدلى حلوان/ هو زوج رماء أخت صاحبى عبدالله.


س / هل يوجد ثمة علاقة أو خلافات سابقة فيما بينكم ؟
صديق شقيق زوجة صيدلى حلوان / لأ

س / ما صلتك بالمتهمين المضبوطين فى الواقعة محمل التحقيق؟
صديق شقيق زوجة صيدلى حلوان/ رماء وعمر وعلي اخوات عبدالله وابوهم دكتور حمدى اما الباقيين مهاب وسيف معرفهمش.

اعترافات

س/ ما تفصيلات الواقعة محل التحقيق ؟
صديق شقيق زوجة صيدلى حلوان / اللي حصل أن عمر حمدى كلمنى امبارح 26/9/2022 الساعة 10ص وقالي تعالى عشان أنا وولاء مسكنا فى بعض وعاوزك تيجي البيت فأنا روحت لقيت عمر ماسك عصاية بيسبول وولاء بيتوجع من دراعه الشمال وفى خربوشين فى صدره ولما سألت عمر قالي ان ولاء اتهجم علي والده الدكتور حمدى فعمر اضطر يتدخل ويضرب ولاء وبعد كده قعدوا يتكلموا مع بعض واتفقوا علي أن ولاء يطلق مراته الجديدة، وفعلًا كلمها فى التليفون وطلقها وبعدها رماء كلمت مراته التانية من تليفون ولاء عشان يتأكد إنه ا زوجته التانية من تليفون ولاء عشان يتأكد أنها زوجته التانية.

التعدى على صيدلى حلوان

س/ هل تعدى احد على المتوفى أثناء تواجدك فى محل الواقعة؟

صديق شقيق زوجة صيدلى حلوان / مكنش فى اشتباك من ساعة منا وصلت حتى لما رماء شافت الرسايل فهى كانت بتصرخ تزعق وصوتها عالي لكن دون ما حد يمد ايده علي حد.

س / وما هى المدة الزمنية التى استغرقتها حتى وصولك لمكان الواقعة منذ اتصال المتهم عمر حمدى عبدالعاطى بك؟
صديق شقيق زوجة صيدلى حلوان / حوالى ربع ساعة تقريبًا.

رسائل الواتس آب

س / وما الذي ترتب علي إرسال المجنى عليه رسائل علي تطبيق الواتس آب للغير كما قررت بالتحقيق ؟
صديق شقيق زوجة صيدلى حلوان/ جارهم كابتن مصطفي لقيناه خبط عالباب ودكتور حمدى فتحله وسأل أيه اللي بيحصل راح زقه برة الباب فراح الكابتن مصطفي زق الباب ودخل.

جار صيدلى حلوان

س / وما الحالة التى كنتم عليها حال دخول الجار المدعو مصطفي محمد صديق موسي؟
صديق شقيق زوجة صيدلى حلوان / احنا كنا قاعدين بنتكلم وهو حتى سأل ولاء هو فى حاجة وولاء مردش حتى ولا أتحرك وهو واقف.

س / وما سبب عدم وجود ثمة رد فعل من المجنى عليه ولاء سعيد مصطفي حال دخول سالف الذكر محل الواقعة؟
صديق شقيق زوجة صيدلى حلوان / معرفش أنا استغربت

س / هل من ثمة إكراه واقع علي المجنى عليه أبان تلك الواقعة؟
صديق شقيق زوجة صيدلى حلوان / أنا أول ماجيت مكنش فيه أى حاجة ضده من أهل رماء إلا بس انهم بيزعقوا مع بعض لكن هما فعلًا كتفوه، وعمر ضربه بعصايا البيسبول وده حصل لما ولاء حاول يتعدى علي الدكتور حمدى لكن محصلش حاجه تانى لما جيت.

س / وكيف وقفت علي ذلك ؟
صديق شقيق زوجة صيدلى حلوان / عمر حكالى ده وقالي أن ده حصل فعلًا لكن محصلش حاجة تانى.

احتجاز

س / وما قولك فيما قرره المدعو مصطفي محمد صديق موسي بأنه أبصر المجنى عليه واقفًا فى الصالة محتجزًا كما قرر بالتحقيقات " تلوناه عليه تفصيلًا" ؟
صديق شقيق زوجة صيدلى حلوان / لأ ولاء كان قاعد مكنش واقف ولا متذنب خالص.

س / وبما تعلل ما قرره سالف الذكر؟ 
صديق شقيق زوجة صيدلى حلوان / معرفش.

بيع شقة

س / وما الذي حدث عقب إستبيان المار بيانه لمحل الواقعة آنذاك ؟
صديق شقيق زوجة صيدلى حلوان / بعد ما كابتن مصطفي نزل لقيت دكتور حمدى كان معاه ورق بيع شقة وبصامة وطلبوا منه يتنازل ويبيع لهم الشقة كضمان لحق بنته لكن ولاء رفض وأنا قولتلهم ده مش حل وملهاش لازمة.

المأذون

س / وما الذي انتهى إليه الحديث بشأن تلك الواقعة المار بيانها ؟
صديق شقيق زوجة صيدلى حلوان / بعد ما ولاء رفض يوقع وبعدها الدكتور حمدى  طلب اوردر أكل اللي موجود ياكل وبعدها لقينا رماء فتحت موبيل جوزها ولاء وشافت رسايل جوزها لوالدته وأخته وجروب السكان وأنه بيطلب نجدتهم فساعتها عرفنا أن نيته مش كويسة، ورماء بدأت تزعق والموضوع ولع تانى وبعد كده كان ولاء لبس ورماء دخلت تلبس عشان ينزلوا يتطلقوا عند المأذون وهى بتلبس لقت فى فلوس ناقصة من الدولاب راحت زعقت تانى لجوزها وقالتله فين فلوسي.

الفلوس

س / وما الذي بدر منكم آنذاك؟
صديق شقيق زوجة صيدلى حلوان / هى قعدت تدور علي الفلوس فى الشقة كلها وعياط وبعدها سمعنا صوت عالي من البلكونة.
س / هل حاول المجنى عليه الخروج من مسكنه ؟
صديق شقيق زوجة صيدلى حلوان / لأ هو ولاء محاولش يخرج ولو عاوز ينزل كان سهل ينزل من البيت عادي بدليل أن لما الباب خبط أحنا فتحنا.

س / وما هى المدة الزمنية التى استغرقت خلالها تلك الواقعة حتى وفاة المجنى عليه إلي رحمة الله تعالى؟
صديق شقيق زوجة صيدلى حلوان / الكلام ده حصل من الساعة 10.30 تقريبًا للساعه 3 العصر.

المنوفية

س / وما الذي حال دون حضور ذوى المجنى عليه إذا ما كان استغاث بذوية أنذاك ؟
صديق شقيق زوجة صيدلى حلوان / لأن والدته وأخته من المنوفية فعقبال ما وصلوا كان ولاء إتوفي.

س / ما قولك فيما جاء بأقوال المدعوة شيماء محمد الغريب السيد تلوناه عليه تفصيلًا ؟
صديق شقيق زوجة صيدلى حلوان / هو فعلًا رماء قالت لولاء فين فلوسي وقالتله انا هوريك الوساخة وده عشان هو بعت لوالدته كده علي الواتس آب.

س / وما قولك فيما جاء بأقوال المار بيانها من اغنها نمى إلي مسامعها صوت مشاجرة وضرب آنذاك ؟
صديق شقيق زوجة صيدلى حلوان/ الكلام ده محصلش.
س/ وبما تعلل إقرار المتهم عمر وعلي بأنهم قاما بتكبيل المجنى عليه / ولاء سعيد مصطفي كما جاء بأقوالهم بتحقيقات النيابة العامة؟
صديق شقيق زوجة صيدلى حلوان / انا محضرتش من أول الخناقة واللى حصل أنا قولت عليه.
س / وبما تعلل ما قرراه أنفي الذكر تحديدًا ؟
صديق شقيق زوجة صيدلى حلوان / أنا معرفش واللي حصل بعد ما وصلت قولت عليه.

س / وبما تعلل سقوط المجنى عليه ولاء سعيد مصطفي من شرفة مسكنه علي النحو الوارد بالتحقيقات؟
صديق شقيق زوجة صيدلى حلوان / أكيد كمية الضغوط النفسية اللي عليه دي كلها ممكن تخليه يفكر أنه ينتحر لكن أنا لو بنى آدم طبيعى هفتح باب الشقة واخرج أو هدخل الاوضة واقفل علي نفسي واتصل بالشرطة لكن ده محصلش.

س / وما الذي حال دون قيام المجنى عليه بإتباع إحدى الطرق الواردة علي لسانك فى المجرى الطبيعى من الأمور ؟
صديق شقيق زوجة صيدلى حلوان / معرفش.

س / وما هى الضغوطات النفسية الواقعة علي المجنى عليه / ولاء سعيد مصطفي عليه؟
ج /  أن ابوها واخواتها الأتنين مسكوه وضربوه قبل ماجى وأكيد يكسر أى راجل وأن مراته تطلب الطلاق وعاوزينه يتنازل عن الشقة لضمان ليها وعوزينه يطلق مراته التانية.

س / ما الذي حال دون إنتظار ذوى المدعوة/ رماء حمدى عبدالعاطى ذوى المجنى عليه للتوصل لإتفاق بشأن الخلاف المحتدم بينهم ؟
صديق شقيق زوجة صيدلى حلوان /  معرفش.
س / هل حاول المجنى عليه / ولاء سعيد مصطفي درء التعدى الواقع عليه من قبل زوجته وذويها؟

صديق شقيق زوجة صيدلى حلوان / انا قبل ماجى معرفش اللي حصل لكن بعد كده مكنش فى اى تعدي علي ولاء.

س / ماهى الأفعال المادية لكل من طرفي الواقعه تحديدًا ؟
صديق شقيق زوجة صيدلى حلوان / هو اللى عرفته أن عمر ضرب ولاء بمضرب البيسبول وخربشه فى صدره لما ولاء حاول يتعدى علي أبوه الدكتور حمدى وبعد ما جيت كل واحد فيهم كان بيزعق للتانى وسب وشتم لكن دون ما حد يمد أيده علي حد.

س / هل سبق اتهامك فى ثمة قضايا من قبل ؟
صديق شقيق زوجة صيدلى حلوان / لا 
س / هل لديك إسم شهرة ؟
صديق شقيق زوجة صيدلى حلوان / لأ

س / أنت متهم وأخرين بإستعراض القوة والعنف ضد المجنى عليه / ولاء سعيد مصطفي وكان ذلك بقصد ترويعه وتهديده بإلحاق أذى مادى ومعنوى بأن أقتحمتم مسكنه مهددين إياه بفض أمره بشأن زواجه وبث الرعب فى نفسه وتكالبتم عليه حتى توجه صوب شرفة مسكنه والقي بنفسه من الطابق الرابع محل سكنه فلقي مصرعه وذلك علي النحو المبين من التحقيقات؟

صديق شقيق زوجة صيدلى حلوان / محصلش وانا معملتش حاجة أنا كنت موجود بس علشان أحاول احل الخلاف.
س / كما أنك متهم وأخرين بالقبض علي المجنى عليه المار بيانه وأحتجزتموه داخل مسكنه دون أمر أحد الحكام المختصين وتعذيب المجنى عليه بدنيًا بأن كبلتوه وتعديتم عليه بالضرب علي النحو الوارد بمناظرة النيابة العامة  للمجنى عليه علي النحو المبين بالتحقيقات ؟
صديق شقيق زوجة صيدلى حلوان / محصلش.

س / انت متهم وآخرين بدخول مسكن المجنى عليه المار بيانه لأركان الوقائع المذكور بيانتها علي النحو المبين بالتحقيقات ؟
صديق شقيق زوجة صيدلى حلوان / محصلش.
س / هل لديك أقوال آخرى ؟
صديق شقيق زوجة صيدلى حلوان / لأ..... تمت أقواله وتوقع منه.