الورقي
نص الأقوال الرسمية
جار صيدلى حلوان يكشف كواليس جديدة لما حدث بمسكن الزوجية
كشفت أقوال جار صيدلى حلوان، ما كان يحدث داخل شقة دكتور ولاء زايد قبل سقوطه، وكيف تصرف مع والد الزوجة عندما منعه من الدخول الشقة، وماذا فعل عندما شاهد جاره يقف بطريقة غريبة، وماذا فعل عندما طلبوا منه الانصراف، واليكم التفاصيل.
أقوال جار صيدلى حلوان
أقوال / مصطفي محمد صديق موسي 40 سنة مدرب العاب رياضية ومقيم فى نفس البرج
س/ ما سبب حضورك سراى النيابة؟
جار صيدلى حلوان / انا جيت للإدلاء بأقوالى والشهادة لله.
س / وما هى تفصيلات شهادتك ؟
جار صيدلى حلوان / اللي حصل انى كنت نازل من بيتى لقيت بواب العمارة أسمه جمعة وشهرته رجب بيقولي انت مسمعتش أى صوت جنبك ترزيع أو خبط قولتله لأ، وبعدها طلعنا من تحت لشقة دكتور ولاء لأن رجب قالي أنه باعت إستغاثة علي الواتس آب علي جروب العمارة فطلعت معاه وفتح ليا راجل كبير، قولتله فى حاجة قالي دى مشكلة عائلية، وملكش دعوة بيها وراح زقنى فى صدرى، وبيقفل الباب عافية روحت حطيت رجلي ومنعته يقفل الباب، وزقيت الباب ودخلت علي أول الباب ولقيت أن فيه رجالة قاعدة شكلها كويس، وواحدة ست تقريبًا مرات دكتور ولاء ولقيت دكتور ولاء واقف علي يمين الباب قدام شوية وظهره للحيطة كأنه متذنب ومبصليش ولا أتكلم خالص ولما سألتهم هو فى أيه قالولي أنها مشكلة عائلية وملكش دعوة بيها عشان أسرار فخرجت برة الشقة وفى اتنين خرجوا معايا منهم برة باب الشقه وقالولي أن مراته عرفت إنه متجوز عليها وهم خلوه يتصل بمراته الجديدة ويطلقها فى التليفون وكده الموضوع إتحل خلاص وطلبوا منى امشى وفعلًا نزلت ومشيت وبعد كده علي الساعه 3.00 العصر تقريبًا لقيت مراتى بتتصل بيا وبتقولي أنا سامعة صوت تلطيش أقلام ومراته بتقوله فين الفلوس لأموتك وواحد تانى قاله انا مش راضي أعمل فيك حاجة عشان خاطر أبنك وبعد كده قولتلها أتصلي بالشرطة وده كل اللى حصل.
نـجمة رايل
س / ومتى وأين حدث ذلك ؟
جار صيدلى حلوان / الكلام ده حصل امبارح 26/9/2022 الساعه 1.10 الظهر تقريبًا فى برج نـجمة رايل الدور الرابع بحلوان.
إستغاثة الدكتور
س / ما سبب ومناسبة تواجدك بالمكان والزمان سالف الذكر ؟
جار صيدلى حلوان / انا ساكن فى الشقة اللي جنب دكتور ولاء وكنت نازل رايح مشوار وعم جمعة البواب قالى علي إستغاثة الدكتور فأنا طلعت معاه.
حارس العقار
س / وما الذي أبلغك به حارس العقار ؟
جار صيدلى حلوان / عم جمعة قالي أن دكتور ولاء باعت رسالة إستغاثه من الواتس اب.
س / وما الذي بدر منكما آنذاك ؟
جار صيدلى حلوان / طلعت معاه للشقة بتاعة الدكتور ولاء وخبطت وفتح لنا راجل كبير تقريبًا والد مرات الدكتور ولاء.
متذنب
س / وما الذي أبصرته لأول وهلة آنذاك؟
جار صيدلى حلوان / أنا لقيت الراجل الكبير أول مابقوله فى أيه لقيته قالي مشكلة عائلية، وملكش دعوة بيها وراح زقنى فى صدرى وبيقفل الباب عافية روحت حطيت رجلي ومنعته بقفل الباب وزقيت الباب ودخلت علطول ولقيت أن فيه رجالة قاعدة شكلها كويس وواحدة ست تقريبًا مرات دكتور ولاء ولقيت دكتور ولاء واقف علي يمين الباب قدام شوية وظهره للحيطه كأنه متذنب ومبصليش ولا أتكلم خالص.
الطلاق
س / وهل ثمة حوار دار بينكم؟
جار صيدلى حلوان / لما سألتهم هو فى أيه قالولي إنه ا مشكلة عائلية وملكش دعوة بيها عشان أسرار فخرجت برة الشقة لما لقيت الناس قاعدين بإحترام فقولت أن الدنيا تمام خصوصًا انى شوفت واحد من الشارع عارف شكله وانهم بيحلوا بالود وهو خرج برة باب الشقة مع واحد تانى منهم وقالولي أن مراته عرفت إنه متجوز عليها وهما خلوه يتصل بمراته الجديدة ويطلقها فى التليفون وكده الموضوع اتحل خلاص وطلبوا منى أمشى.
س / وما هى الحالة التى كان عليها المتواجدين بمحل الواقعة؟
جار صيدلى حلوان / هو كان فيه 6 رجالة غير الراجل الكبير اللي فتح لي باب الشقة والست مرات دكتور ولاء ولقيت دكتور ولاء متذنب كده جنب الباب علي اليمين وواقف ظهره للحيطة ومش بيتكلم.
س / هل من ثمة أفعال أتاها المتواجدين بمكان الواقعة آنذاك ؟
جار صيدلى حلوان / هو بس 2 قاموا وقالولي أن ده موضوع عائلي وخرجت برة وقالولي اللى قولته.
س / وهل من ثمة إكراه واقع علي المجنى عليه آنذاك ؟
جار صيدلى حلوان / انا مشوفتش أى حاجة من دى لكن واضح أنه كان واقف متذنب مش عارف ليه.
س / هل حاول المجنى عليه / ولاء سعيد مصطفي إستجداء طلبك؟
جار صيدلى حلوان / ولا أتكلم ولا بصلي حتى.
تلطيش أقلام
س / وما الذي بدر منك آنذاك ؟
جار صيدلى حلوان / نزلت ومشيت وبعد كده علي الساعة 3.00 العصر تقريبًا لقيت مراتى بتتصل بيا وبتقولي أنا سامعة صوت تلطيش أقلام ومراته بتقوله فين الفلوس لأموتك وواحد تانى قاله انا مش راضي اعمل فيك حاجه علشان خاطر أبنك وبعد كده قولتلها اتصلي بالشرطة.
س / وما هو مكان تواجد زوجتك أنذاك حالما نمى إلى علمها ذلك الحديث؟
جار صيدلى حلوان / هى سمعت الصوت ده من شقتنا تقريبًا لإننا ساكنين جنبهم فى نفس الدور بالشقة اللي جنبهم.
س / وهل تستطيع الوقوف علي الأفعال المادية التى قام بها المتهمين تجاه المجنى عليه ؟
جار صيدلى حلوان / هي بس سمعت تلطيش أقلام ومراته بتقوله فين الفلوس.
س / وما الذي بدر منها آنذاك ؟
جار صيدلى حلوان / هى كلمتنى وانا قولتلها بلغى الشرطة.
س / وهل يوجد ثمة علاقة أو خلافات فيما بينك أو زوجتك وبين أى من أطراف الواقعة؟
جار صيدلى حلوان / لأ انا حتى معرفش دكتور ولاء مشوفتوش قبل كده غير مرتين.
التعرف علي المتهمين
س / وهل يمكنك التعرف علي المتهمين حال عرضهم عليك ؟
جار صيدلى حلوان / أيوه.
ملحوظه / حيث قمنا بإستدعاء المتهمين جميعًا من خارج غرفة التحقيق وبعرضهم علي الماثل أشار أن جميع الماثلين كانوا جالسين وإنه يتبقي شخص آخر يدعى عماد كان متواجد وهو يعلمه من ذات المنطقة وكان يتواجد رفقتهم.
