والده مطرب مشهور.. مفاجأة صادمة في فيديو "بسنت سابتني وراحت لياسين"

 

انتشر مقطع فيديو لطفل يدعى "محمد" يبلغ من العمر 6 سنوات، عبر مواقع التواصل الاجتماعي مثل النار في الهشيم، ويكشف أبيه من خلال سلسلة فيديوهات تعرض أبنه للخيانة من طفلة تدعى "بسنت"،بعد أن أحبت طفلا آخر يسمي "ياسين".

 

وبحسب تصريحات صحفية، كشف والد الطفل "محمد" وهو المطرب الشعبي حسام الشرقاوي، الذي أن نجله عصبي نوعا ما، وهو ما يظهر جليا في الفيديوهات، لافتاً أن قصة الطفلة "بسنت" ليست جديدة على الأسرة، وأن الطفل تعلق قلبه بها مع بداية دخوله الحضانة، وتحول الحب إلى غيرة لا يعرف الطفل معناها، لصغر سنه.

 

 

وأضاف الشرقاوي: "كل يوم ييجي معيط وزعلان، ولما كنت أسأله كان يعيط، لحد ما حكى عن البنت والولد دول، ومن هنا قررت أصوره وهو بيحكي عن قصه حبه لها، لأن أسلوبه في الحكي كوميدي جدا، لدرجة إني خليت أخته تكلمه على أساس أنها البنت اللي بيتكلم عنها، وتطمن عليه، لأنه كان جاي مضروب من الطفل اللي بيحكي عنه في الفيديوهات، لكنه شك في الصوت وعرف أنه مقلب".

 

 

وأوضح أن نجله محمد يدرس في إحدى دور الحضانة الخاصة القريبة من العقار الذي يقطن به، وهو طفل مشاغب وجريء أكثر من اللازم، لدرجة أنه يجعله في بعض الأوقات يسأل المعلمة عن سبب تأخرها عن الحصة، لافتاً: "حب بنت في الحضانة معاه وبقى يحكي عنها يوميا، وطبعا البنت مش في دماغها حاجة، دول عيال يعني، وبعدين لاقيته بيموت لما طفل تاني يقرب منها ويتعب ويزعل، وطول الوقت بيتكلم عن طفل اسمه ياسين، وأنه بيضربه وعايز ياخد حبيبته منه".

 

 

واستكمل المطرب الشعبي: " اتفقت مع الأستاذ عنده إننا هنقول إن ياسين اتقبض عليه، ومش جاي تاني، وبدأنا نعيش معاه الدور كأنه بجد، وطبعا هو ميعرفش كل ده، أنا بعمل الفيديوهات دي علشان أضحك الناس وأخرجهم من جو الفيروس والنكد ده، وفي نفس الوقت أنا نفسي ببقي سعيد، وأنا شايف ردود فعله الكوميدية، لدرجة إن فيه كذا مخرج كلمني، علشان شغل، لأنهم شايفين إن تلقائيته دي تعتبر موهبة، والفيديوهات دي جابت صدي كبير أوي وكل الناس مبسوطة وبتضحك من تعبيرات وشه وكلامه".