بالصور.. تحذير خطير من مطعم شهير فى مدينة الشيخ زايد لهذه الأسباب

وقال العميل في منشور تحذيري عبر صفحته الشخصية على " فيسبوك" قائلاً:" امبارح حصل موقف في مطعم سمسمة الشيخ زايد، وانا باكل وبحمد ربنا انه عدى على خير وأخدت بالى قبل ما يجرالى حاجة، طلبت سندوتشات شاورما كيزر من الفرع كالعادة، وبناكل وتمام مفيش اى حاجة، وفجأة لقيت "مسمار" داخل الساندوتش الى كنت باكل واللى كنت خلاص هبلعه وربنا سترها".

وتابع قائلاً: "روحت ألوم على اللي شغالين في المطعم وان ازاى مطعم مشهور زيهم كدا يحصل فيه كدا، ولا قدر الله لو كان الساندوتش دا كان وقع في أيد طفل كان ساعتها هيبقي ايه الوضع؟، اذ فجأة ألاقي هجوم غير مبرر من اللي واقف على الكاشير، قولتله ممكن أقابل المدير، وبالفعل جه مدير المطعم الى قلت خلاص هيتفهم الوضع ويقرر يعاقب المسئول عن الإهمال دا، واللى حصل عكس كدا تماما.

وأضاف قائلاً:"وقرر المدير يمشي على نفس نهج الموظف وينفي وجود المسمار وبيقولي ان المسمار مش من عندهم؟، طب حضرتك ازاى يعني وانا هرمي اتهامات عليكم ليه طيب؟ وكان رده أعمل الى عندك.

وختم قائلاً:"قررت اروح قسم الشيخ زايد علشان احرر محضر بالواقعة دي وبالفعل عملت محضر برقم 202/605، وقررت اني مش هسيب حقي طبعا، لأن لا قدر الله الموقف دا ممكن يحصل مع أي حد بياكل من المطعم دا، وبالذات لو طفل مثلا كان هيبقي الوضع مش لطيف تماما، انا عملت كل دا بس علشان اعرف الناس ان المطعم دا غير أمين بالمرة انك تاكل عنده، دا غير تعامل المدير والموظفين بالشكل دا مع الزباين، انا مكمل لحد ما أشوف أخر الأهمال دا ايه والناس المسئولة عن دا تتعاقب".