الورقي
مأساة حلوان.. شاهد يروي تفاصيل اللحظات الأخيرة في حياة الشاب بلال أحمد حسنين
في حادثة هزت منطقة حلوان، أدلى محمد عرندس عبد العلي، صاحب كشك «أبو كريم»، بشهادته أمام المستشار حسام الهمامي وكيل النائب العام، موضحًا تفاصيل الواقعة التي أدت لمقتل الشاب بلال أحمد حسنين على يد إبراهيم مجاري ونجله عماد.
بداية المشكلة عند الكشك
قال الشاهد إنه كان يقف أمام كشكه عند تقاطع شارع فيضى مع شارع 11، حوالي الساعة 11 صباحًا يوم الخميس، حين لاحظ وجود شجار بين بلال وعماد.
وأضاف: «أنا أعرف بلال وعماد معرفة سطحية لأنهم بيشتروا مني طلبات دايمًا، شفتهم ماسكين في بعض عند الكشك، وكان في ناس معدية في الشارع حاولت تحجز بينهم لكن ما عرفوش. بعد شوية الناس فرّقتهم، وعماد مشي وبلال فضل واقف».
وأشار الشاهد إلى أنه لم يرَ الاعتداء الفعلي على بلال بعد ذلك، وكل ما شاهده كان بداية المشكلة عند الكشك، أما باقي الأحداث فسمع عنها من الآخرين.
المطاردة نحو شارع 11
وأوضح عبد العلي أنه بعد التدخل الأول، بدأ بلال يركض ناحية شارع 11، ومعه راجل كبير في السن، بينما كان عماد يركض وراءهما: «فجأة لقيت بلال بيجري، والتوك توك اللي كان واقف في أول الخناقة رجع وجاب راجل كبير ورا بلال، وعماد كان بيجري على رجله وراهم، وأنا ما شفتش بعد كده أي شيء آخر عن الواقعة».
وأضاف الشاهد أنه استأنف عمله ولم يهتم بالحادث في تلك اللحظة، لكنه بعد حوالي عشر دقائق شهد مشهدًا جديدًا: «فوجئت بتوك توك فيه اتنين راكبين ورا، واحد منهم من اللي كانوا بيتخانقوا مع بلال وكان مش لابس حاجة من فوق، ونزل من التوك توك الراجل الكبير واللي اسمه عماد، وأخذ الشبشب بتاعه اللي كان واقع على الأرض من أول مشكلة، والراجل الكبير كان تخين وهدومه عليها دم، وابتدى يزعق فينا وقال: فين تليفون ابني؟ قلت له معرفش، فشتمني. وبعد كده ركب التوك توك وكان في إيده سنجة كبيرة غرقانة في الدم، ومشي هو وابنه».
معلومات عن المتهمين والخلفية
ذكر الشاهد أن المتهمين إبراهيم مجاري وابنه عماد معروفان في حلوان بأنهما مسجلان خطر، وأن لهما خلاف قديم مع المتوفي بلال منذ حوالي تسعة أشهر:
«سمعت من الناس إن إبراهيم وعماد كانوا عايزين يموتوا بلال، وده كل اللي أعرفه عن الواقعة، وأهل المنطقة اللي ساكنين حوالين مستشفى الحميات هم اللي شافوا الواقعة، لكن أنا ما أعرفش أحد منهم بالاسم.»
كما أكد عبدالعلي عند عرض تسجيل فيديو الواقعة عليه، تمكن من تحديد المتهمين بوضوح: «المسافة بيني وبينهم حوالي 35 متر، وإبراهيم وعماد هما اللي في الفيديو، وكل الناس اللي كانت في الشارع شافتهم، والإضاءة كانت شغالة وكلهم واضحين».
