علاء خالد عن مشاركته في مسلسل صدفة: كان نفسي اشتغل مع ريهام حجاج (خاص)

كشف الفنان الشاب علاء خالد، تفاصيل مشاركته في مسلسل صدفة، وكواليس تصوير مشاهده مع النجمة ريهام حجاج، وذلك قبل عرض العمل خلال شهر رمضان المقبل. 

علاء خالد في مسلسل صدفة

وقال علاء خالد، في تصريحات خاصة لـ "النبأ"، عن دوره في مسلسل صدفة للنجمة ريهام حجاج: “أنا بعمل شخصية نبيل خالد عباس فى مسلسل صدفة، وهو أقرب طالب لميس صدفة ونبيل هو شاب والده توفى وهو صغير وقاعد مع مامته واخوه الصغير وبيحب المذاكرة والدراسة جدًا والطالب اللي بيطلع من الأوائل كل سنة دحيح الدفعة زي ما بيقولة”.

وعن مشاركته مع ريهام حجاج في مسلسل صدفة، قال: “لما روحت شركة الإنتاج عشان أمضي مسلسل صدفة، دخلت عشان اسلم على أستاذة ريهام حجاج لقيتها اتفرجت على مشاهدي فى المونتاج اصلًا، وقعدت تقولي إي الشطارة دي وانت زي القمر وبرافو عليك وكلام حلو كتير حقيقي كنت طاير من الفرحة وقتها”.

وأضاف: “أنا كل اللي كان على لساني كلمة هو أنا بحلم صح بس حتي واحنا فى كواليس مسلسل صدفة، كنا بنصور مشهد أنا وريكا مع بعض طلعت موبيلي عشان أوريها مسدچ كنت بعتهولها من 2017 على الفيسبوك يعني من 7 سنين بالظبط، إني بحبها جدًا ونفسي اشتغل معاها وحصلت فى مسلسل صدفة فى 2024 واعتقد ان دي أحلى صدفة فى الدنيا”.