الورقي
حسن شاكوش لطليقته: قبلت اعتذارك ودلوقتي ذكرتي إنك ماشفتيش مني غير الخير (فيديو)
ردَّ مؤدي المهرجانات الشعبية حسن شاكوش، على ظهور طليقته ريم طارق بمقطع فيديو تعتذر خلاله إليه، مُشيدة بأخلاقه، بعد حصولها على حقوقها الشرعية منه كافة، بعد الانفصال -حسب قولها-
طليقة حسن شاكوش: هو شخص كويس وراجل محترم، اللي حصل كان سوء تفاهم
وشارك «شاكوش»، متابعيه عبر صفحته على موقع التواصل الاجتماعي «فيسبوك»، مقطع الفيديو الذي نشرته طليقته عبر حسابها الشخصي بـ«فيسبوك»: قالت خلاله: "الحمد الله، أخدت كل حقوقي الشرعية من حسن، والحمد لله إني طلعت شخص كويس، وهو كمان شخص كويس، وراجل محترم، وكل اللي حصل دا كان سوء تفاهم وتدخل أكتر من طرف، وأي حد سيرته جت في الموضوع سواء من أهله أو من أهلي أو مامته فـ حقهم على راسي وكل شيء قسمة ونصيب".
حسن شاكوش:أشكرك يا ريم على كلمة الحق اللي قولتيها
وردَّ حسن شاكوش، قائلًا: "أنا أولًا بـ أشكرك يا ريم على كلمة الحق اللي قولتيها في حقي دلوقتي وذكرتي إنك ماشفتيش مني غير الخير، وقابل اعتذارك على ما صدر منك وأنا ماكانش لي أي رد فعل قدام الناس ومش من تربيتي إني أشهّر ببنات الناس حتى لو رد على كلام يجرحني أو إساءة لي".
واختتم مغني المهرجانات حسن شاكوش، حديثه في هذا الشأن، قائلًا: "مع إن دا كان مأثر عليّ نفسيًا وعلى أهلي وكل اللي حوليا وقابل اعتذارك، وعفا الله عما سلف والمسامح كريم، وأتمنى لك كل خير في حياتك وأشوفك دايمًا بخير".
