الورقي
بعد إنتقاده للدين
محمد عطية أرفض الزواج الشرعي وأدعم المساكنة بين الرجل والمرأة
أثار الفنان محمد عطية الجدل مؤخرًا، عبر وسائل التواصل الإجتماعي المختلفة وأصبح ترندًا، بعد إعلانه عن رفضه للزواج الشرعي الموثق ودعمة للمساكنة بين الرجل والمرأة في منزل واحد دون عقد رسمي لإثبات العلاقة بين الطرفين.
صرح الفنان محمد عطية برؤيته أثناء حلوله ضيفًا ببرنامج "شو القصة" الذي تقدمه الإعلامية رابعة الزيات.
وخلال الحلقة تطرق عطية عن علاقاته العاطفية ومعتقداته، قائلا: "في حاجات كتير في الدين صعب أتقبلها، زي القتل باسم الدين، وتعدد الزوجات، من يريده ينفذه، لكنه بالنسبة لي مرفوض".
محمد عطية قلت لكل من ارتبطت بيهم لو حسيتي انك مابقتيش بتحبيني أمشي
وعن إمكانية تقبله فكرة أن قرار الطلاق من المرأة، قال: "الموضوع أبسط من كدة، أنا قلت لكل اللي ارتبطت بيهم لو حسيتي انك مابقيتيش بتحبيني امشي، دا سبب كافي بالنسبة لي".
وأكد أنه لا يمانع بالزواج من لا دينية، قائلا: "المهم تكون إنسانة، ده لو أتجوزت أصلا لأن الزواج عرف بشري اخترعوه بسبب الزراعة، ولو أنا بحب إنسانة ليه المجتمع والقوانين تدخل ما بينا؟ الأنسب نتجوز من غير عقد زي المساكنة، لأن المعظم بيتجوز عمياني مع أن الجنس جزء مهم في العلاقة، وأغلب حالات الطلاق بتحصل بسبب عدم توافق الحياة الجنسية، فالأفضل نعيش مساكنة ونشوف ينفع نعيش مع بعض ولا لأ".
وتابع: مستحيل أتجوز واحدة لأني شفتها وعجبتني فاروح أتقدم لها ونعيش مع بعض ونخلف، لأن الجواز مسؤولية كبيرة، مضيفًا: أنا حبيت كتير في حياتي.
وتحدث عطية عن تحول أفكاره من الشرقية الذكورية للمتحررة، قائلا: "كنت شرقي وذكوري لحد سن الـ30، وكنت شخص سيء جدًا في العلاقات، وبتدخل في أمور لا تخصني مثل أنت لابسة ايه بتكلمي مين، لابسه كده ما تنزليش مياه بالمايوه، وأرى أن ده مش حرص واهتمام ولا غيرة، فليه أنا من حقي أسألها في الحاجات دي ومن حقها هي.
وتابع: في نقطة مهمة العلاقات مبنية على الثقة، والتدخل في اللبس والخروج كل الحاجات دي متعبة والخناقات بتحصل على الفاضي والطلاق بسبب كده فأنا كنت أسوأ من سي السيد، وبشوف إن ده قمة في إهانة المرأة فالعلاقة مش محتاجة ليد عليا ولا قائد للسفينة، وبشفق على الستات في الشرق الأوسط ومن التدخل في لبسها وحياتها الجنسية، ونفسي نسيب المرأة في حالها ليه شاغلين بالنا بالجنس والست نفسي نتكلم في حاجة تانية ونسيبها في حالها.
يذكر أن محمد عطية انتهى من تصوير مسلسل "روح" كارين رزق الله وإنتاج day 2 pictures وإخراج سامي كوجان.
