الورقي
بعد الفوز بالدوري
مرتضى منصور يرد على الخطيب وشوبير يستعين بالوزير بعد التنمر على الزمالك
واصل مرتضى منصور، رئيس نادي الزمالك، الرد بقوة على الخطيب وشوبير وابراهيم سعيد، وكره رمضان السيد لاحتفالات الزمالك بتصريحات جديدة ببرنامج زملكاوي عبر قناة الزمالك مع كريم أبو حسين عبر برنامج زمالكاوي.
مرتضى منصور يرد على الخطيب وشوبير.. ويهاجم رمضان السيد
وقال مرتضى منصور، فى مداخلة هاتفية: “ربنا كرمه في الإنشاءات وبقى عندنا نادي عالمي وبنحقق بطولات وبقى عندنا قناة الزمالك، أكبر نسبة مشاهدات في الوطن العربي”.
وأوضح رئيس الزمالك، أن عرض الرعاية اللى معروض على الأهلي هو نفسه اللى معروض على الزمالك وهو مليار و300 مليون لكن العرض يشمل نسبة من الحصول على الإعلانات، ومفيش حاجة اسمها عرض مليار و300 صافي جايين للأهلي.
ووجه حديثه لرمضان السيد، قائلا له: “أتكلم بإحترام عن الزمالك اى حد هيتكلم بشكل مش كويس عن الزمالك هياخد على نفوخه”.
وهاجم مرتضى منصور، شخص يدعى القحطاني، يمتلك معرض ساعات رولكس من الهدايا التى تلقاه من تركي ال الشيخ، محذرا: “أتحدى أي شخص لو اخدت استيك ساعة بخمسة جنية من اى حد فى السعودية أو في اي حتة في العالم”، قائلا: “اوعى سمعة وذمة مرتضى اتحدى انا من يوم ما جيت الزمالك عمرى انا وأولادى عمرنا ما سافرنا على حساب النادي وبقول للخطيب لم اللجان اللى عندك”.
وأضاف رئيس الزمالك، موجها رسالة إلى وزير الشباب: “فيه موظف عندك يدعى الطويل قل أدبه على نادي الزمالك وعايزين ناخد حقنا لأنه أهان مؤسسة كبيرة من مؤسسات الدولة”.
وتعقيبا على تعليق شوبير بفوز الزمالك بالدوري وعدم ذكر رئيس النادي، قال رئيس الزمالك: “هقعدك تاني في البيت لأنه شكر كل الناس ماعدا رئيس نادي الزمالك لأنه قائد السفينة، وبقوله أنا قائد السفينة غصب عنك وغصب عن هبة ولمياء غيرهم وانا قولت للشركة لو شوبير موجود انا مش هكون معاكم”.
وتوعد مرتضى منصور، إبراهيم سعيد، قائلا: “مسمعش صوتك تاني تقعد في بيتك مزروع، انت مقرف، وأقسم بالله لو نطقت تاني أو نزلت من بيتك أو كتبت حرف هنشرلك نص البلاغ”.
وأكد رئيس نادي الزمالك: “أنه كان عندنا مشكلة في صفقه أحمد أيمن منصور وبنشكر رجال القوات المسلحة على تعاونهم وحل المشكله، أحمد أيمن منصور لاعب في نادي الزمالك صفقة انتقال حر، احنا عندنا احسن لاعيبة في مصر”.
