الورقي
بالصور.. خناقات بين ملاك مشروع دجلة بالمز وموظفي معمار المرشدي
توجه ملاك مشروع دجلة بالمز، إلى مقر شركة معمار المرشدي؛ للمطالبة بوقف السرقات وانقطاع خدمات الكهرباء، وخطوط التليفون الأرضي وعدم توصيل الغاز.
ولكن تفاجئ ملاك مشروع دجلة بالمز، بمنعهم من دخول مقر الشركة من قبل الأمن؛ لمقابلة أي مسئول لتحديد مطالبهم وهو الأمر الذي أدى إلى تدافع الملاك للدخول مقر الشركة.
وزاد الأمر سوءًا، بعد حدوث مشادة كلامية، بين ملاك مشروع دجلة بالمز، وموظفي شركة معمار الرشدي؛ لعدم وجود استجابه لمطالبهم حتى الآن، بالإضافة إلى استمرار الوقفات الاحتجاجية أمام المقر حتى يتم مقابلة مسئول أو تنفيذ المطالب.
وقال ملاك مشروع دجلة بالمز محتجين على معاملة موظفي شركة معمار المرشدي: «للاسف مفيش احترام لا لكلامنا ولا وعود وإدارة فاشلة وسلبيات أكتر من الإيجابيات لو فلوس الإعلانات دي انصرفت على المشاريع فعلا كان زمان الملاك مرتاحين».
وأضافوا: «ناس رايحة تطلبب حقها في خدمات طبيعية داخلة عند كل المشاريع اللي حوالينا ودجلة لا ولا تليفونات ولا غاز وغيره وحتي لما ربنا كرم بحوار تليفونات عايزنا ندفع مبلغ غير يعقل عشان المرشدي مش عايز يدفع الفلوس اللي عليه ف تتاخد مننا إحنا خدمة العملاء بتضرب العملاء».
وتابعوا: «ده إسكان قومي معمار المرشدي واخد الأرض من مبارك برخص التراب علشان يبني للشباب وبسعر مخفض لأن الحكومة هتساهم معاه في ثمن الأرض وجت الثورة الموازين اتقلبت وكل حاجه اتفق عليها بقت فنكوش ومفيش خدمات لا غاز ولا تليفون أراضي والخ الخ ده يا دوب لسه عاملين شبكه تقوية للموبايلات بعد عذاب بعد ما الناس ماتت ومحدش عرف يلحقها لأن مفيش شبكات ورغم أنه إسكان قومي عاوزين يحاسبونا على أننا كمبوند فاخر كمان يعني أيه اشتراك التليفون الأرضي يبقي بـ 5000 جنيه ده في أي منطقه في مصر بالسعر ده وكذلك الغاز وقيس بقي ع كده باقي الخدمات».
وواصلوا: «الشركة دي مش بتوفي بأي من التزاماتها من أول التسليم عمره ماكان في ميعاده ومن حيث المرافق العامه حتي الآن دجله بالمز دون نت اوتليفون ارضي أو غاز طبيعي».
خناقات بين ملاك مشروع دجلة بالمز وموظفي معمار المرشدي
