كشف مدير تصوير فيلم "ديك العياط" محمد شفيق، عبر حسابه الشخصي على موقع التواصل الاجتماعي "فيسبوك" تفاصيل خلاف الفنانة رحاب الجمل والفنان باسم سمرة.

"النبأ" تكشف تفاصيل الفيلم صاحب أزمة رحاب الجمل وباسم سمرة

 وقال "شفيق": ‏بالنسبة لموضوع باسم السمرة ورحاب الجمل اللي خد حجم اكبر من حجمه أنا كنت في القعدة دي ..بصفتي مدير تصوير الفيلم ..‏‎اجتماع للتعارف مش بروفة ولا تصوير ..‏‎ والكلام اللي اتقال فيه حاجات كتير مش صح ..‏‎والحقيقة إنه مجرد سوء تفاهم بين اتنين زملاء عادي ..‏‎رحاب عندها سفر وباسم عايز يصور قبل ما ينشغل في المسلسل بتاعه".

وأضاف "‏‎اختلفوا.. ‏‎باسم قالها ماتسيبي الفيلم يا رحاب وهو متنرفز.. رحاب انسحبت.. ‏‎كملنا القعدة ومشينا.. ‏‎ماشفتش زعيق وخناق وأمن فندق وحشيش والكلام الفاضي ده.. وميصحش نطلع نشتم بعض في البرامج ونشوه صورتنا بإيدينا بحاجات محصلتش..ولو ما حصلش توافق وتناغم بين الناس عادي.. نعتذر عن العمل بهدوء من غير دوشة وبرامج وحواديت وده الهدف من اجتماع التعارف أصلاً".

يذكر أن الفنانة رحاب الجمل، شنت هجوماً حاداً على فنان رفضت ذكر اسمه، بسبب تصرفاته وحضوره التصوير في حالة سكر حسب كلامها، ولكن عندما ذكرت مواقفه السابقة اتضح أنها الفنان باسم سمرة.

وكتبت "الجمل" عبر حسابها الشخصي على موقع التواصل الاجتماعي "فيسبوك"، قائلة:"الممثل السكران.. لما تبقي سكران وتدخل فرح وتضرب زميل نجم بالكوع ويسامحك لأنه مستغلبك ومستضعفك.. انت بقي تعتبر ان ده حق مكتسب.. وبعدها بحوالي شهرين تدخل حفلة وتشتم وتهين مغني شاب، ويكبر للناس اللي تدخلت في الموضوع ويسامحك بردو تعتبره حق مكتسب."