الورقي
بالصورة.. ابنة حسام حسن تكشف أسباب استقالة العميد من المصري
كشفت يارا نجلة العميد حسام حسن المدير الفني لبيراميدز اسباب إستقالة والدها من تدريب المصري وقبول العرض الذي تلقاه من قبل مسئولي بيراميدز
وقالت يارا علي صفحتها علي الفيس بوك "عشان ناس كتير بتبعتلى من امبارح بخصوص رحيل والدى من المصرى.. انا عاوزة اقول حاجة هو و عمى عمرهم ما كانوا عاوزين يسيبوا المصرى وبورسعيد واحنا حبينا بورسعيد والبورسعيدية من حب بابا وعمى ليهم وانا نفسى من ساعتها مكتئبة رغم انى مبتدخلش ولا اعرف تفاصيل عن شغل بابا بس اللى اعرفه وشايفاه ان من قبل ما الدورى يبدأ وهو بيحصله مشاكل كتير ومستحمل حاجات كتير محدش يستحملها من مجلس الادارة"
وتابعت يارا "كل الناس اللى حواليه حتى اللى برة الكورة بتنصحه يسيبوا المصرى عشان صحته ونفسيته وكان بيقول مش هسيب جمهور بورسعيد غير لما هما يمشونى وكان مستحمل معاملة ميستحملهاش ناشئ بس هو فعلا جاب اخره وهم اكتر ناس زعلانه ومكتئبة انهم مشيوا وانا عمرى ما شفت بابا عامل كدة.. والناس اللى بتقول انه جرى ورا الفلوس هو جاله عروض اكبر من كدة بكتير فى اوقات سابقة وفى اندية ومنتخبات عربية قوية جدا وكان بيرفض عشان بورسعيد رغم كل المشاكل.."
واخختمت نجلة حسام حسن حديثها قائلة "احنا عائلته المفروض اكتر ناس تتبسط انه هيمسك نادى فى القاهرة وهنشوفه لأننا كنا بنقعد بالاسابيع والشهور مبنشوفوش بس احنا مقهورين على فراق بورسعيد وان شاء الله هنرجع تانى "
