أسامة نبيه: ندمت على القرار ولهذا السبب رفضت تواجد نجم ليفربول

حل أسامة نبيه، نجم الزمالك السابق، ضيفا على برنامج النجوم في رمضان، الذى تقدمه الإذاعية نجلاء حلمي، عبر إذاعة الشباب والرياضة، ويترأس فريق تحريره الكاتب الصحفي وليد قاسم ويذاع أيام الجمعة والسبت والأحد والثلاثاء طوال شهر رمضان المبارك حيث قال: لو رجع بيا الزمن مش هوافق على رحيل إبنى عن الزمالك

اسامة نبيه: لو رجع بيا الزمن مش هوافق على رحيل إبنى عن الزمالك

كشف أسامة نبيه نجم الزمالك ومنتخب مصر الأسبق عن تلقيه دعوة إفطار من جماهير القلعة البيضاء اليوم بعد انتهاء الازمة بينه وبينهم.

وقال نبيه الذى يحل ضيفًا على برنامج "النجوم في رمضان":"الجمهور عندهم حق وكانوا زعلانين منه بسبب رحيل يوسف ابنى عن نادى الزمالك، ومهما قولت قصة الموضوع دا، فيه تفاصيل كتير لكن مش هتوصل زي ما انا عايز"

ويضيف:" يوسف عقده انتهى وحاولت أتكلم مع المسئولين قبل فترة الفراغ الإداري اللى حصلت، وقولت ان عقده مش مناسب ليه والعرض اللى أتقدم لينا كان ضعيف، بس ملقتش أي رد فعل، وجمهور الزمالك زعل منى، بس الحمد لله بعتولى دعوة فطار اليوم في المريوطية والحمد لله رايح ".

وتابع:" ابنى ليه وجهة نظر وليه شخصية، بيشاركنى الرأي بس القرار في النهاية هو اللى ياخده، ورجع بيا الزمن مكنتش هوافقه في الرحيل عن الزمالك، لكن قدر الله وماشاء فعل، لسه الكورة فيها كتير، واللى بينا وبين الزمالك كبير"

وأكمل:" أتمنى يوسف يرجع الزمالك، ولازم يشتغل على نفسه ويرجع يوسف بتاع زمان وعنده الفرصة حاليًا في زد عشان يرجع تانى"

أسامة نبيه: مرضتشي أضم كريم أحمد عشان ليفربول اقترح سفره إلى كأس العالم مُباشرة

ويري نبيه أن تصريحه عن رغبته في الاحتفاظ ببعض اللاعبين للمشاركة في المباريات القادمة لمنتخب الشباب، مشددًا على أنه لم يرفع شعار المجاملات وقت وجوده مدربًا لمنتخب الشباب.

وقال أسامة نبيه:" قولت انا كنت محوش بعض اللاعيبة للمشاركة في المباريات الجاية وكملت وقولت ان اشركت 18 لاعب بنسب متفاوتة، وهما اللى يقدروا يكملوا معايا في الدور الثانى لانهم لم يستهلكوا في الدور الأول"

ويضيف:" وقولت هديهم فرصة بالروتيشن في الدور الثانى معرفش الناس فهمت الكلام غلط ليه".

وتابع: اللاعب الشاب كريم أحمد المحترف في ليفربول الإنجليزي مشاركش معايا لإنه جه تجمع واحد وناديه قال هيبعته على تشيلى التي استضافت كأس العالم عالطول، وكنت محتاج أشوفوا بطريقة أفضل".

وأكمل:"في أندية رفضت تبعت لاعيبها لمنتخب الشباب في بطولة تجريبية لإنه ا خارج الاجندة الدولية وكانت فرصة مهمة لتجهيز بعض اللاعبين".

وتابع:" اللاعب اللى مش بيلعب درجة أولى مع ناديه كان عنده صعوبة يشارك معايا مع منتخب الشباب، ووقتها قالوا انا بجامل ناس لحساب ناس ودا محصلش، 95% من أندية مصر مكنوش بدأوا حتى فترة إعداد كانوا في راحة وقت مابدأت الاستعداد مع منتخب الشباب".

أسامة نبيه: الزمالك مش بيتأخر عن ولاده والدليل حسام عبد المنعم

يري أسامة نبيه نجم الزمالك ومنتخب مصر الأسبق أن الزمالك دائمًا يقف بجانب أبناؤه ولا ينساهم في أي لحظة

وقال نبيه: " حسام عبد المنعم عنده تاريخ رائع وتجربة مميزة مع الزمالك، وتابعت حلقته الأخيرة وزعلت جدا"

ويضيف:" بس الزمالك كالعادة مش بيتأخر عن ولاده ومش بينساهم في أي لحظة وفرحت جدا بقرار تعيين حسام عبد المنعم في الزمالك"