حازم إمام: الزمالك محتاج 5 صفقات ونحلم بكأس مصر وبقاء السعيد

تحدث حازم إمام  ،نجم الزمالك، عن إحتياجات الفريق الأبيض خلال فترة الإنتقالات الصيفية المقبلة حيث اكد ان الزمالك محتاج تغيير في الفكر ودا اللي احنا شاغلين عليه علشان نبدأ الموسم الجديد بطريقة صحيحة

حازم إمام الزمالك محتاج 5 صفقات فى هذه المراكز ونحلم بكأس مصر ونرفض رحيل محمد السيد وعبد المجيد وأتمنى تجديد عقد عبد الله السعيد والفوز بكأس مصر

واضاف إمام فى مداخلة  هاتفية عبر  قناة الزمالك لبرنامج زمالكاوى مع أبوالعلا، عندنا رؤية واضحة للفترة القادمة  ونريد  تثبيت  نظام داخل النادي يسير  عليه اي حد يتولى المسؤولية

وأكد عضو لجنة التخطيط حاليا بنشتغل على تعيين مدير رياضي وهنعمل إدارة خاصة بلجنة التعاقدات وادارة رياضية كاملة تكون مسئولة عن البيع والشراء بمواصفات فنية محددة

احنا بنبني فكر إداري جديد علشان نقدر نحقق طموحات جمهور الزمالك اللي مش بيقبل بأي صفقات عادية وديما عايز صفقات كويسة وتصنع الفارق بتنسيق كامل مع مجلس الإدارة

حيث أكد أن الزمالك  في حاجة للتدعيم في مراكز الجناح الأيمن والجناح الأيسر، حيث لايوجد سوى مصطفى شلبي بالإضافة إلى مركز رأس الحربة، ولاعبي خط الوسط في مركزي 6 و8.

وأكد حازم إمام، أن هناك مفاوضات مع عبد الله السعيد، لتجديد التعاقد معه وأن شاء الله هو مكمل مع الزمالك حتى نهاية الموسم  وسيتواجد فى نهائي كأس مصر، أمام بيراميدز،

وكشف عضو لجنة التخطيط، ان حسام عبد المجيد ابدّي  رغبة في الاحتراف الخارجي، مؤكدًا في الوقت ذاته أن الزمالك سيحافظ عليه لأطول فترة ممكنة

وقال إمام محمد السيد من اللاعبين الذين تسعى الإدارة للحفاظ عليهم ضمن صفوف الفريق.

وقال  عضو لجنة التخطيط:  عندنا بطولة كأس مصر اتمنى نتوج بيها وتبقى خير ويبقى بداية الموسم كانت السوبر الافريقي ونهايه الموسم كأس مصر

مشيرا إلى أن اه هي مش الحاجة  اللي كانت منتظرة لكن كويس انك تخرج بالكأس ثاني أهم بطولة في مصر بعد الدوري في الموسم ده وتبني عليه قدام

كلنا مع اللاعبين وكابتن أيمن الرمادي وجهازه وربنا معاهم في نهائي كأس مصر والراجل محتاج وقت الفريق في وقت صعب جدًا وكتر خيره أنه قبل في الوقت الضيق ده