مطالبا بالحنية.. محمد رمضان يعلق على أزمة بيومي فؤاد ومحمد سلام (فيديو)

علق الفنان محمد رمضان، عبر حسابه الرسمي على موقع "إنستجرام" على أزمة الفنانان بيومي فؤاد ومحمد سلام، التي أثارت ضجةً كبيرةً خلال الأيام الماضية.

وظهر محمد رمضان من خلال مقطع فيديو قائلًا: "مساء الخير عليكم.. رسالتي لكل جمهوري العربي رأس مال أي فنان وأي نجم في الدنيا هو الناس اللي هما حضراتكم.. بنطلب من كل حبايبنا وكل اللي حوالينا ومن أمي وأبويا أنهم يدعولنا أن ربنا يحبب فيا الناس والجمهور اللي هو حضراتكم".

وأضاف محمد رمضان: " شيء قاسي جدًا لما اكتر حد أنت تبقى عايز تسعده وتبسطه وتنال رضاه هو اللي يكون قاسي عليك بالكلام.. كلامي عن زمايلي وأخواتي وحبايبي وأنا بتشرف بزمالتهم الاتنين محمد سلام وبيومي فؤاد".

وتابع: "لا محمد سلام غلط ولا بيومي فؤاد غلط وحتى لو في ذلة لسان حصلت إحنا بنقول اللهم لا تؤاخذنا ان نسينا أو اخطانا حتى لو غلطنا وإحنا بنصلي ربنا بيسامحنا".

واستكمل محمد رمضان حديثه قائلًا: "عملوا إيه الاتنين عشان نكون قاسيين سواء من هنا على سلام أو من هنا على بيومي فؤاد، إيه اللي عملوه؟! الأخبار اللي بسمعها اللي انتشرت طبعًا إن شاء الله تكون كلها كدب وشائعات أن سلام مش عارف مش هيشتغل ولا حد هيسمح بده لا إحنا كفنانين هنسمح بده ولا الجمهور هيسمح بده اللي هو في ضهر أي فنان هو بيحبه وبيسانده وبيدعمه، ولا إحنا مع اللي بيحصل في بيومي أنه يقفل التعليقات على حساباته عشان ميشوفش كلام وحش".

واختتم كلامه: "ياريت نكون أحن من كدة على بعض".

يذكر أن الفنان بيومي فؤاد، أثار جدلًا واسعًا بعد تصريحاته حول استبعاد الفنان محمد سلام، من مسرحية "زواج اصطناعي" التي تعرض ضمن موسم الرياض، في السعودية.