خالد أبو بكر لـ رئيس الوزراء: "لبست الشراب فردة سودا وفردة زرقاء.. بسبب انقطاع الكهرباء"

خالد أبو بكر لـ رئيس الوزراء: "لبست الشراب فردة سودا وفردة زرقاء.. بسبب انقطاع الكهرباء"

كشف الإعلامي خالد أبو بكر، عن أن منزل الدكتور مصطفى مدبولي رئيس مجلس الوزراء، تنقطع عنه الكهرباء ضمن خطة تخفيف الأحمال.

وقال خالد أبو بكر، خلال تقديم خلال برنامجه «كل يوم» عبر شاشة «on»: «الكهرباء قطعت في البيت عندي قبل ما أنزل البرنامج واتعكننت جدا.. أنا أنزل لابس شراب فردة سوداء وفردة زرقاء.. ده كلام».

وأضاف: «أنا ساكن جمبي الدكتور مصطفى مدبولي رئيس الوزراء.. فكلفت 2 محامين يروحوا يشوفوا في كهرباء عند رئيس الوزراء في البيت ولا لأ.. (ولو كانت شغالة) كنت هعمل محضر إثبات حالة ونشتغل بقى.. بس لقوا الكهرباء عند الدكتور مصطفى مقطوعة».

ووجه أبو بكر، دعوة لرئيس الوزراء لأنْ يتم قطع الكهرباء في مدينة 6 أكتوبر بعد الثانية صباحا.

وفسّر ذلك بالقول: «أغلب المذيعين عايشين في أكتوبر، وبننزل لمدينة الإنتاج الإعلامي الساعة 6.. فلازم تكون الكهرباء شغالة علشان نتكلم عن الإنجازات.. إحنا هنشوف الإنجازات إزاي في الضلمة».