"مافيش مياه وكهرباء" عميل يكشف معاناته داخل مشروع Villette لشركة سوديك

تاريخ النشر | الأربعاء 20/سبتمبر/2023 - 02:23 ص

أعرب أحد الملاك بمشروع Sodic- Villette استياءه من الشركة، لعدم توافر المرافق بالكمبوند والذي يملك فيه فيلا قيمتها 50 مليون جنية.

وقال الدكتور نور عاطف السرجاني، في منشور له على أحد جروبات الشكاوي "بفيسبوك" معقولة يا جماعه اشتري ڤيلا ب ٥٠ مليون جنيه من Sodic- Villette ومايبقاش عندنا مرافق، ودافع فيها شقى عمري في عشرات السنين عمل بالخارج".

وتابع منشوره قائلًا: "المياه مقطوعه ب الأيام داخل الكمبوند لدرجه ان مراتي كان عندها عزومة ومش عارفه تغسل الاطباق والفوط لدرجه إنه ا فكرت تغسلها في النافورة الخاصة بالكمبوند عشان ده كان مصدر المياه الوحيد بالكمبوند لمدة أيام.

واستكمل منشوره واستياءه من شركة "سوديك" قائلًا للاسف مش معني ان يبقي عندك المقدرة انك تشتري ڤيلا في كمبوند بمبلغ اصبح مش كبير في ايامنا دي ان دا يضمنلك ابسط أولويات الحياة "المياه والكهرباء" ما دام وثقت في شركة زي سوديك بتتلاعب ب أموال الناس وبتتنصل من مسؤوليتها وخصوصا بعد ما الشركة اتباعت في ظروف غامضة ل شركة يمتلكها مستثمر" إماراتي ".

تدمير اللاند سكيب والزراعة بمشروع Villette بسوديك بسبب قطع المياه

وقال الدكتور نور في منشوره "للاسف بسبب انقطاع المياه بشكل متواصل الزرع عندنا كله مات واللاند سكيب بيتدمر، ده غير اننا عندنا مشكلة رهيبة في الكهرباء بعيدا عن موضوع تخفيف الاحمال، كل يوم ومن قبل تخفيف الاحمال ب شهور بيتم قطع المياه والنور عننا مع العلم ان الكمبوند اللي علي يمينا وشمالنا عندهم مياه وكهرباء مع انهم اسعارهم ارخص مننا "يعني الڤلل مثلا ب اقل من ٢٠ مليون" ومع ذلك عندهم مياه وكهرباء ومرارًا وتكرارًا تم التواصل مع مسؤولين كثيرون بالشركة وطبعا ميردش علينا ولا يجي لنا غير الاستاذ كريم المسؤول عن العلاقات العامة وخدمة العملاء واخر مرك بعتولنا واحدة اسمها مرام تتكلم معانا وتقول لنا ارجوكم اعطوا الشركة فرصه إنه ا تثبت إنه ا بالفعل عايزة تحل وعايزة تريح الناس، على الرغم من اننا بقالنا 3 سنين بنديهم في فرص والنادي لم يتم تسليمه حتي الان.
وقال: إدارة سوديك وعدتنا ان الكمبوند هيكون كله ڤلل واشترينا ودفعنا المبالغ دي علي اساس ده وللاسف بنوا عماير ضخمه جدا شبه المساكن الشعبية والناس فيها بتسلم علينا من الشبابيك.

وختم قائلًا: "نصيحه محدش يثق في سوديك sodic أو يفكر إنه يشتري اي حاجة من مشاريعهم في الساحل الشمالي أو في زايد أو أكتوبر أو التجمع - كذابين وحياتكم هتبقي ظلام ودون مياه".