الورقي
ياسمين عز: وراء كل رجل عظيم نفسه مش زوجته
قالت الإعلامية ياسمين عز، إن الزوجة ليست المقصودة في مقولة وراء كل رجل عظيم امرأة، مُضيفة أن هناك إجماع على أن تلك المقولة خطأ.
ياسمين عز: فيه إجماع من علماء التخصص على إن المقولة دي خاطئة وإن الأصل هي وراء كل رجل عظيم نفسه
وأضافت «عز» خلال برنامجها «كلام الناس»: "فيه حاجة استوقفتني وبـ أقف عندها وهي مقولة وراء كل رجل عظيم امرأة، الحكيم ما قالش مراته ولا زوجته، هو قال امرأة وسابها مفتوحة لو كان يقصد مراته كان هيقول وراء كل رجل عظيم مراته إيه اللي هيخوفه".
وتابعت: "وهنا يذهب بعض العلماء إلى أنها أمه وهو الاحتمال الأكبر، وبعض العلماء وبعض المناهج قالوا إنها أخته ودا احتمال نسبته خمسين في المية، إنما زوجته ومراته دي مادرسنهاش ولا جات في المنهج ولا العلماء رجحوا أبدًا إنها زوجته".
ياسمين عز: اعملي سيرش عن أصل المقولة
واستطردت ياسمين عز: "والحقيقة إن فيه إجماع من علماء التخصص على إن المقولة دي خاطئة وإن الأصل هي وراء كل رجل عظيم نفسه حتى هتلاقوا سجع على الودن، ولو عاوزين تزودوا زودوا إيده وكتفه ورجله، لإن إيده بتشقى علشان يجيب طلباتك وكتفه اللي بيشيل الهموم والزن، ورجله اللي رايحة جاية على الشغل من هنا لهنا ولو عاوزة تزودي زودي مخه اللي هينفجر من كتر التفكير في طلباتك".
واختتمت ياسمين عز، حديثها في هذا الشأن قائلة: "تقدري تعملي سيرش بيتقال إن المقولة دي جت من أصل إن كان فيه ملياردير عنده فلوس كتير وموظفين وداهم بحيرة، وقال لهم اللي هينط في البحيرة ويوصل لبر الأمان هياخد مليون جنيه ولو التسماح أكله ومات هـأدي أهله مليون ونص، وفيه موظف نط وقعد يصارع والملياردير لما سأله قال له مراتي زقتني ووقعت ومن هنا جت المقولة".
