رئيس التحرير
خالد مهران
count
count

منة فضالي تستغيث: مساعدتي اتخطفت.. ومش عارفة اتصرف

منة فضالي
منة فضالي

طلبت الفنانة منة فضالي، من متابعيها عبر موقع التواصل الاجتماعي «فيس بوك»، مساعدتها، بعد اختفاء المساعدة الخاصة بها، موضحة أنها تعرضت للاختطاف.

وكتبت منة فضالي: «صباح الخير عليكم جميعًا.. أنا للأسف في موقف مش عارفة أتصرف فيه المساعدة بتاعتي اختفت وهي جايالي على التصوير من أول إمبارح، وكل ده أهلها بيدوروا عليها في المستشفيات والأقسام».

وتابعت: «آخر حاجة كانت راكبة أوبر، وكانت جايالي على المدينة بعديها تليفونها اتقفل ومن الساعة ٦ المغرب واتفتحت دقيقة الساعه ١٢ بالليل معرفناش نعمل حاجة، واستنينا يعدي ٢٤ ساعة علشان نعمل محضر».

وأضافت: «بعض المستشفيات هي مش موجودة فيها والواضح إنها اتخطفت وحقيقي أنا مش عارفة أعمل حاجة، ودي أول مرة معرفش أتصرف، فاللي يقدر يساعدني يبقى كتر خيره».

وأكملت: «هي ساكنة في الزاوية وللأسف معنديش تفاصيل.. لا رقم العربية الأوبر لأنها كانت مش ظاهرة ولا أي حاجة.. رجاء اللي يقدر يعمل حاجة يبقي كتر خيره».

منة فضالي تعلن اختطاف مساعدتها

منة فضالي تنافس بـ«العمدة» في رمضان 2023:

وتشارك الفنانة منة فضالي بمسلسل «العمدة»، خلال الموسم الرمضاني المقبل، مع: محمد رمضان، وإيمان العاصي، وزينة، ومي كساب، وفريدة سيف النصر، وأحمد داش، وإخراج محمد سامي.