أولياء أمور الإسكندرية: قرار تعطيل الإمتحانات لتغطية إهمال غرف المحافظة

تباينت رود الأفعال بين مؤيد ورافض  لقرار  محافظ الإسكندرية بتعطيل الامتحانات قبل ساعتين من بدء الامتحانات نظرًا لسؤ الأحوال الجوية.
أعلن اللواء محمد الشريف محافظ الإسكندرية تعطيل إلامتحانات اليوم الخميس 12 يناير بجميع المدارس الحكومية والخاصة والمعاهد الأزهرية ( طلاب ومعلمون ) بنطاق المحافظة على أن يتم أداء المواد الامتحانية من جداول امتحانات اليوم فى موعد لاحق. 
كما وأصدر المحافظ تعليماته بمنح العاملين المعينين ضمن نسبة 5 ٪ وكذلك الموظفة التى ترعى طفلًا يقل عمره عن اثنى عشرة سنة ميلادية إجازة استثنائية  اليوم  الخميس 12 من يناير. 
ويستثنى من ذلك، القيادات، وأطقم العمل والنوباتجيات، وفق الاحتياجات التى يحددها مديروا المديريات المختلفة.
ويأتى ذلك حفاظا على سلامة المواطنين وفى إطار الحرص على إتاحة الفرصة للأجهزة والجهات المعنية لاتخاذ جميع التدابير اللازمة والتعامل الفورى مع تداعيات حالة عدم الاستقرار فى الطقس والآثار السلبية الناجمة عنها، وحفاظا على سلامة المواطنين
وتقول شيرين زغلول وليه امر يرجي اعتماد نتيجة اكتوبر أو نوفمبر للمادتين لسنة رابعة  
يضيف  على فرج الاطفال كلهم فى الطريق للمدارس   المفروض القرار ده كان من بالليل    حرام اللى بيحصل فى ولادنا القرار عرفناه بعد ما الولاد نزلوه،واتفقت معه فى الرأى غدير ابو رحاب وليه امر صح النوم سيادة المحافظ القرار متاخر جدا الولاد نزلوا خلاص 
القرار ده كان المفروض اتاخد من امبارح
ما هيئة الارصاد مبلغة ان الجو فى نوة جامدة 
نورا يوسف وليه أمر القرار متأخر ولا ليه لزمه 
لإنه اخذ  بعد فوات ال أو ان والطلاب نزلت  واتبهدلت فى ناس كتير مش عندها نت يا ريت يبقي قبلها بيوم
وتضيف رضوى عاشور فى ابليكشن. اسمه. Weather 
لطيف جدا وبيحدد النوات يارب. حضرتك. تنزله علي موبيلك عشان تقدر تعرف الطقس والنواة ويكون عندك فرصة  من قبلها وتقرر.  الامتحانات والاجازات على  اساسها. دى نوه سنويه مفش مفاجأة،حرام عليكم يوم امتحانات والولاد نزلت اصلا،هو فى قرار يتاخد فالوقت ده،حرام عليهم الاطفال تتبهدل رايح جاى على والا حاجه 
نجاح السيد قرار خاطىء سيادة المحافظ كان المفروض تأجيل موعد الامتحانات ساعة أو ساعتين حتى  يتحسن الجو لأن هناك جدول والصف السادس يوم السبت والإعدادية بعده على طول
هاجر إسماعيل طيب بالنسبة لطلاب الجامعات اللي بيمتحنوا واللي جايين من محافظات تانية 
وبالنسبة لموظفين الكليات واللي عندها أطفال 
ينزلوا ازاي في الجو دة بجد حرام عليكم 
لما البلد تبقى غرقانة وتنزلوا الناس تتبهدل 
المفروض الاجازة لقطاع التعليم كله
ريم حماده توقيت القرار بيؤكد إنه متاخدتش لمصلحه الاولاد اتأخد علشان يداري علي إهمال المحافظه والشوارع إللى  غرقت من أول شتويه  واتفقت مع هذا الرأى هبه حماده بأن  توقيت القرار بيؤكد إنه متاخدتش لمصلحه أولادنا اتأخد علشان يداري علي إهمال المحافظه والشوارع إللي غرقت من أول شتوايه، الجو معروف من إمبارح إنه صعب والسيد المحافظ ادي إجازات قبل كده والجو يطلع كويس ليه مخدتش قرار بليل الاجازة قبل ما ولادنا يتبهدلوا فى الشارع
ابو زيدان محمود رحب جدا بالقرار  ووصفه بالحكيم لإنه حافظ على الطلاب من البهدله وهو ما اكدته نهى محسن وقالت ان المحافظ كانت أولوياته المحافظة على الطالب.