رئيس التحرير
خالد مهران
count
count

تامر حسني يرد على هدية هنا الزاهد (صورة)

هنا الزاهد وتامر
هنا الزاهد وتامر حسني

أهدت الفنانة هنا الزاهد، الجائزة التي حصلت عليها أمس من مهرجان الفضائيات العربية، كأفضل ممثلة، لفيلم "بحبك" إلى الفنان تامر حسني، لافتة إلى أنه يستحق هذا التكريم للوقوف بجانبها في هذا العمل.

وأعاد تامر حسني نشر مقطع الفيديو من تكريم هنا الزاهد عبر حسابه الرسمي على موقع "إنستجرام" وقال: "بكتب بوست عن هنا والله والله مش عشان بتهديلي الجائزة لا.. بكتب كلمه من قلبي عشان هي بنت قلبها جميل ومقدره المجهود اللي عملته عشانها وعشان كل الممثلين نوع القلب دا مبقاش موجود أو ي، ياما ناس بتساعد ناس بس نادرين أو ي اللي قدروا المجهود دا".

 وأضاف تامر حسني: "وعندهم قلب جميل يخليهم مينسوش تعب الناس اللي كانوا جانبهم واخلصولهم من كل قلوبهم، كنت فاقد الأمل في النوع ده من القلوب يمكن عشان قدمت ناس كتير وللأسف معظمهم قلوبهم اتغيرت بعد ما نجحوا.. بس للأمانة هنا الزاهد هي هي نفس القلب الابيض الجميل من اول يوم اكتشفتها فيه في مسلسل فرق توقيت بدور بسيط في بدايتها لحد فيلم بحبك اللي هي بطلته دلوقتي الفيلم اللي حقق اعلى ايراد دولي في تاريخ مصر والعرب وتجاوز الـ 600 مليون في ظاهره أولى من نوعها".

واختتم: "ومش بس ايرادات لا ده حقق أعلى عدد زوار سينما في تاريخ السينما وبتتكرم عنه دلوقتي بجايزه مبياخدهاش إلا المتميز المبدع افرحي بنجاحك وبشغلك الرائع في الفيلم مبروك يا هنا كل الناس بتحبك وكل الناس فرحانه بيكي وأنا بجد فخور بيكي وبقلبك الجميل المحترم الأصيل.. شكرًا على الجائزة مستنيها في شركتي مليش دعوه.. مليون مبروك يا أجمل هنا".

أبطال فيلم بحبك

فيلم "بحبك" من إنتاج حسام حسني، تأليف وإخراج وبطولة تامر حسني في أولى تجاربه بالإخراج السينمائي، ويشاركه البطولة: هنا الزاهد، حمدي الميرغني، هدى المفتي، مدحت تيخة، شهد الشاطر، عالية راشد وغيرهم.