الورقي
حسام حبيب: رجعنا لبعض أنا وشيرين من غير ما حد يعرف.. ووقعت على ركبي لما حلقت شعرها
كشف الفنان حسام حبيب عن كواليس طلاقه ورجوعه للفنانة شيرين عبد الوهاب، وذلك بعد أزمتها الأخيرة التي تعرضت لها.
وقال، خلال مداخلة هاتفية لبرنامج «الحكاية» للإعلامي عمرو أديب، على قناة MBC مصر، إنهما عادا بعد الطلاق، لكنهما لم يعلنا وقتها الأمر، موضحًا أن المقربين، فقط، من الأسرتين، كانوا يعلمون.
وتابع: «الطلاق كان بورق ورجعنا من غير ورق.. وناس معروفة كتير شافونا مع بعض لكنهم من الدائرة المقربة لينا.. وبعد شوية هي رجعت تعمل تاني الحاجات اللي كانت سبب في طلاقنا أول مرة.. والمشاكل رجعت تاني.. وبعدنا تاني».
وأضاف: «أنا مكنتش موجود في حياتها من وقتها.. مكناش بنتكلم نهائي.. لحد وقت الأزمة الأخيرة.. شيرين حلقت شعرها أدامي عشان تجبر نفسها أنها تكرهني كل ما تشوف شكلها.. لكن اللي حصل أنها فضلت تحبني.. واللي زاد على المشكلة هي الناس اللي دخلت فيها».
وأكمل: «هي كانت بتطلب الطلاق عادي زي أي ست في أي مشكلة مع جوزها.. لكن في مرة معينة قولتلها حاضر هطلقك.. دخلت حلقت شعرها.. ولما شوفتها كدة انهارت ووقعت على ركبي على الأرض.. وقعدت أسالها ليه كده»، مشيرًا إلى أنه كان بالنسبة إلى شيرين، الضمير الحي، الذي يحاول أن يجعلها تفكر وتنقذ نفسها.
