زاهر يكشف غضب فيريرا من لاعبي الزمالك بعد لقاء فلامبو البوروندي

كشف الإعلامي  سيف زاهر، عبر برنامج ملعب أون تايم على قناة أون تابم سبورت   عن حالة  الغضب التى انتابت التى  ظهرت على  على المدير لفريق الزمالك البرتغالي جوسفالدو  فيريرا، عقب لقاء الزمالك وفلامبو البوروندي فى ذهاب دور ال 32 فى دوري أبطال إفريقيا التى أنتهت بفوز الفريق الأبيض بهدف واحد.

وحديثه مع امام عاشور وجملة هامة من امام تنهي الجدل حول استبعاده.

سيف زاهر يكشف غضب فيريرا من لاعبي الزمالك عقب لقاء فلامبو وأهم الصفقات وتعليق إمام عاشور على إتهامه بالتمرد

اكد زاهر ان  مراسلين قناة  اون سبورت في الملعب قالو  ان فيريرا النهاردة اول مرة  يتعصب جامد على لعيبه الزمالك بسبب الفرص المهدره وكان زعلان جدا من الفرص دي
وتابع زاهر  حديثه ان فيريرا مش من نوع المدربين اللي يكسب واحد ويفرح، لا فيريرا عاوز يكسب 5 أو 6  وبعدين افرح، مضيفا  فيريرا ده مدرسة  مستقلة بذاتها، فيريرا بالمكسب ده ادى رسايل كتير في الملعب، رقم 1  ان مفيش لعيب كبير في نادي الزمالك، في لعيب بيأدي في نادي الزمالك، الوردي خرج النهاردة  عادي، لعيبه كتير خرجت ونزل مكانها شباب عادي ونزلوا على حساب لعيبه تقيلة  ، فيريرا عاوز يوصل أن مفيش حاجه اسمها الوردي ميخرجش، من الملعب مفيش حاجه اسمها نداي ميخرجش من الملعب

وشدد زاهر... ان اكبر صفقه عملها الزمالك هي مجموعة  الشباب، مجموعه الشباب "دول يسووا " ملايين
مؤكدا  أن قرار إداره الزمالك بالتجديد لزيزو كان في الصميم، هو الشريان اللي بيغذي الزمالك، هو صاحب عالم المتعة وبيجري ال90  دقيقه مبيعطلش، بيلعب يمين وشمال وفي كل حتة  في الملعب.

كما أكد  سيف زاهر، أن  النتيجة  الطبيعية  النهاردة  للزمالك هي 4   أو 5  اهداف،  مشيرا إلى أن الزمالك أدي  مباراة كبيرة  وعنده فرقة محترمة ”.

اما عن ماسبق وتحدث به عن إستبعاد إمام عاشور وإنه معاقب  قال.... انا النهاردة  قابلت بالصدفه إمام عاشور واتكلمت معاه وانا هنقلكوا اللي دار بيننا، إمام قالي الكلام اللي انت قولته امبارح جيبته منين يا كابتن سيف، انا قولتله على فكره انا مقولتش كده، إمام قالي الكلام ده مش مظبوط انا رجعت من المنتخب وعندي شد ولعبت اخر ماتش وانا عندي شد وفيريرا قرر إنه يريحني  المباراة  ، قولتله انت دلوقت مصاب قاللي لا مش مصاب بس هو قلق ابقى مش جاهز 100٪ استبعدني.
وأضاف زاهر  إمام عاشور،  قاللي ان علاقته بفيريرا على أفضل ما يكون، وانا عاجبني جدا ان سيستم الزمالك اللي بيغلط بيتعاقب

وتابع سيف زاهر،  إمام عاشور،  قالي جملة  عمري ما هنساها، انا زمن الغلط عندي خلص، لا هعمل مشكلة  في الزمالك ولا في المنتخب
وسألته بهزار انت بتخلص التمرين وتعمل ايه قاللي انا وقتي كله في التمرين ولما بخلص بقعد مع والدتي..

الزمالك سعيد هزم فلامبو برأس عبد المجيد فى دوري أبطال إفريقيا

فيريرا يمنح لاعبي الزمالك أجازة اليوم

قرر البرتغالي جوسفالدو فيريرا المدير الفني للفريق الأول لكرة القدم بنادي الزمالك منح اللاعبين راحة من التدريبات اليوم  الإثنين عقب الفوز على فلامبو البوروندي في المباراة التي أقيمت بينهما اليوم في ذهاب دور الـ32 لدوري أبطال إفريقيا.

ومن المقرر أن يستأنف الزمالك تدريباته يوم الثلاثاء المقبل على ملعب عبد اللطيف أبورجيلة بمقر الزمالك  استعدادا لمباراة العودة أمام بطل بوروندي المقرر لها يوم الجمعة المقبل الموافق 14 أكتوبر الجاري.