الورقي
وفاء مكي تبكي على الهواء بسبب هشام سليم: «زعلانة على البهدلة اللي شافها»
كشفت الفنانة وفاء مكي عن تفاصيل علاقتها بالفنان الراحل هشام سليم، موضحة أنهما كانت بينهما علاقة صداقة قوية.
وتابعت، خلال لقائها ببرنامج «كلام الناس» للإعلامية ياسمين عز، على قناة MBC مصر، أنه شخص نقي، وبداخله هدوء شديد، وأنهما قضا وقتًا طويلًا وسافرا كثيرًا معًا.
ودخلت «وفاء»، في حالة بكاء شديدة، حزنًا على هشام سليم، قائلة: «زعلانة عشان البهدلة اللي شافها.. اية اللي حصل عشان يعملوا معاه كده ويتكلموا على ابنه.. دا كان إنسان جدع وخير وبيعمل حاجات حلوة محدش كان حاسس بيها.. بطلب من الناس الرحمة.. الرحمة حلوة والموت ليه حرمته وهيبته».
وأكملت: «السوشيال ميديا بقت مضرة أكتر ما بتنفع.. الناس بتنتهك شعور بعض وكل ده عشان المشاهدات والفلوس.. زمان كانت الصحافة مهنة احترام وقيم ومبادىء.. لكن دلوقتي أي حد بيشتم فيكي.. وأنا أخدت على نفسي عهد إني مفتحش السوشيال ميديا».
وتوفي الفنان هشام سليم يوم الخميس الماضي، عن عمر ناهز الـ64 عامًا، بعد صراع مع مرض سرطان الرئة، وشيعت جنازته من مسجد الشرطة بالشيخ زايد إلى مثواه الأخير.
