الورقي
«خيانة وأمها خرابة بيوت».. محمود المهدي يكشف مفاجآت صادمة وراء طلاقه لـ«منة عرفة»
كشف الفنان محمود المهدي، عن أسباب انفصاله عن منة عرفة، وذلك بعد شهرين فقط من زواجهما.
وكتب، عبر خاصية «الإستوري» بموقع الصور الشهير «انستجرام»، قائلًا: «تم الطلاق خلاص للأسف كان في خيانة وعديتها واضحك عليا في أول الجوازة وقتها علشان أحافظ على بيتي سكت وغير أمها سبب خراب البيت بسبب الفلوس عشان اللي بتصرف عليها منه وبسبب إني كنت رافض تشتغل في المجال ده».
وتابع: «أمها مكنش عندها مانع تتنازل في المجال مقابل الفلوس بس كل حاجه بالدليل فضلت تحاول لحد ما خربت البيت وخدوا مني فلوس كتير هي وأهلها واتهجموا عليا وخدو العفش، وبيعوني العربية وكل حاجة بالدليل وحقي عند ربنا وحسبي الله ونعم الوكيل في خرابة البيوت أمها».
وأضاف: «والله كل الفلوس اللي خدوها وكل حاجة عملتها هبينها وأنا مطلعتش عمري اتكلمت من غير دليل أو إثبات بس للاسف وبجد علي غزلان ربنا نجاه اليومين دول هنزل الحاجات للأسف أهلها بعد أم شلتهم وصرفت وعملت عملوا اللي ما يتعملش معايا».
وكتب، في منشور ثان، قائلًا: «حسبي الله ونعم الوكيل في كل أم ورا خراب بيت بنتها وكل همها الماديات بس.. ربنا يعوضني على كل خسارة خسرتها وثقتي في ربنا كبيرة لأني مقصرتش بالعكس كنت بحافظ».
كما أعلن محمود المهدي عن رفضه التواصل مع الصحافة أو الإعلام، بقوله: «في صحافة بتتواصل معايا وناس بتتصل.. مش هطلع في حاجة خلاص.. الموضوع من دلوقتي اتقفل نهائي ومش هخش في تفاصيل أي حاجة تاني.. كفاية لحد هنا ومش هتكلم في حاجة خلاص.. ده آخر بوست عن الموضوع دة.. وكله عند ربنا خلاص».
من جانبها، أعلنت منة عرفة خبر انفصالها عن زوجها، عبر حسابها على موقع الصور الشهير «انستجرام»، وكتبت: «تم الطلاق رسميًا.. وربنا يوفق الجميع».
يذكر أن منة عرفة ومحمود المهدي تزوجا في شهر مايو الماضي، في حفل عائلي بسيط، اقتصر فيه الحضور على الأهل والأصدقاء المقربين فقط.
