رئيس التحرير
خالد مهران
count
count

مرتضى منصور يدعم شيكابالا بسبب لقب المرحوم.. ومهاجمة إبراهيم سعيد لانتقاد الأباتشي

النبأ

تحدث المستشار  مرتضى منصور، رئيس نادي الزمالك  عن تجاوزات بعض الجماهير من الأهلي ضد محمود عبد الرازق شيكابالا قائد الزمالك والتى وصفته بلقب المرحوم  كما تمت مهاجمة إبراهيم سعيد لانتقاد الأباتشي.

مرتضى منصور يدعم شيكابالا بسبب لقب المرحوم 

وقال مرتضى، في فيديو عبر حسابه الرسمي: "بشكر لاعيبة الزمالك المحترمين اللي ادوا درس في العزيمة والإصرار، وسط كل الظروف الصعبة من الهاربين عن القمة واللاعبين المصابين، وعبد الغني كان بيلعب وهو واخد حقنة والونش مصاب"

وأضاف مرتضى منصور: "الحكم ده جه عن طريق رابطة الأندية اللي رئيسها أحمد دياب، ولينا ضربة جزاء صحيحة واعترف أخيرا الشناوي بيها  وبقول سمير عثمان لو متعدلتش هنعدلك" 

وتابع: "الجمهور كان ملتزم ومتحضر بعيدا عن سيد عبد الحفيظ المتعصب، وهديتي للاعيبة عضوية عاملة بنادي الزمالك وكلكم هتبقوا أعضاء في نادي الزمالك".

وواصل: "الولد اللي شغال مع الخطيب عمرو محمد اللي من ماتش السوبر في الإمارات وهو بيشتم لازم يتربى، ومحدش من مجلس الأهلي أعتذر عن التجاوز اللي حصل وهنعمل بلاغ للنائب العام وبلغت اجهزة الدولة كلها بتجاوز هذا الشخص". 

تابع: "اللاعبين الناشئين كانوا مميزين في القمة وبقول كل انسان هرب من الماتش ده الجندي الشجاع مش بيهرب، وشيكابالا كان مصاب قبل الماتش وكان بيحارب عشان يلعب الماتش". 

وختم مرتضى منصور، حديثه قائلا: "وبالنسبة لاعتراض زيزو أو بن شرقي دي رؤية الجهاز الفني وبنحاسب فيريرا اخر الموسم وسايبينه يشتغل براحته".

جماهير الزمالك ضد إبراهيم سعيد بسبب شيكابالا

شنت جماهير الزمالك عبر مواقع التواصل الاجتماعي هجوما خاصا على إبراهيم سعيد نجم الزمالك السابق بسبب انتقاد الأخير لمحمود عبد الرازق شيكابالا قائد الفريق الأول لكرة القدم بنادي الزمالك.

وأظهر شيكابالا تألقا ملفتا في مباراة القمة ضد الأهلي وسجل هدفا وصنع مثله خلال المباراة التي انتهت بهدفين مقابل هدفين في الدوري هذا الموسم.

وكتب إبراهيم سعيد عبر حسابه الرسمي على موقع التواصل الاجتماعي تويتر: "تعالي بقى اتفرج" ونشر فيديو لمحمود عبد الرازق شيكابالا قديم يؤكد من خلاله توقيعه للأهلي في وقت سابق  ليورطه رغم ان شيكابالا في النهاية قرر عدم إتمام الصفقة.

واجه إبراهيم سعيد بعد نشر هذا الفيديو هجوما وتعليقات هجومية كبيرة من جمهور الزمالك عبر تويتر حيث كتب أسامة دياب:" ‏فاكر لما طلعت الكافية علشان تسلم على سيدك وهو مرداش ينزل من العربية   ابقى تعالى وانا اقولك"

محمد العارف كتب: "‏‎‎‎فاكرين مين اللى كان مستلم شيكا ومتبع معاه نفس الأسلوب اه الاقرع اللى اسمه مش عارف مين طلعت.. وطلع من فترة اعتذر وكتب إنه كان فيه شخص مخليه يعمل كده أهو نفس الشخص ده دفع لابراهيم علشان يكمل المشوار"

حمادة الأشقر كتب:" ‏‎يا كابتن ايراهيم احنا بنحبك انت ليه بتحاول تجبر الناس على إنه ا تكرهك  وانت حتستفيد ايه انك تهاجم شيكا"

سليم كتب:"‏‎انت بتقعد تكتب انا قلبي ابيض واتعلمت مغلطش في حد والدنيا مش مستاهله وهوب الجماهير سخنتك جريت تنزل فيديوهات بخمسه جنيه قديمه  ، الراجل مطلعش يرد عليك زيه زي غيره مش فاضينلك ومش بيدوك اللقطه اللي نفسك فيها، وعلي فكره انا اهلاوي عشان متقولش بدافع عن شيكا عشان زملكاوي والهري ده".

رسائل شيكابالا إلى مرتضى منصور 

وجه محمود عبد الرازق شيكابالا قائد الزمالك 4 رسائل هامة على هامش ظهوره مع مرتضى منصور رئيس نادي الزمالك بعد مباراة القمة.

قال شيكابالا في فيديو مع مرتضى منصور: " أوجه الشكر لمجلس إدارة نادي الزمالك على المُساندة والدعم المُستمر وصرف جزء كبير من المستحقات المتأخرة للاعبين"

أضاف: " نعد مجلس الزمالك والجماهير بأن تكون مباراة القمة بداية جديدة للفريق ونسعى للحفاظ على صدارة بطولة الدوري"

وختم حديثه قائلا: " كل لاعبي الزمالك رجال، وشرف لنا جميعا الحصول على عضوية النادي، وأشكر رئيس الزمالك على وقوفه بجانبي في أزمة الشخص المتجاوز، واتخاذه لكافة الإجراءات الخاصة بحمايتي".