الشارع علمني كتير بس مش زي المدارس.. رسالة مؤثرة من حمو بيكا لطلاب الثانوية العامة

وجه مغني المهرجانات حمو بيكا، عبر حسابه الرسمي على موقع التواصل الاجتماعي "فيسبوك" رسالة إلى طلاب الثانوية العامة والكليات بمناسبة حلول موسم الامتحانات.

ونشر حمو بيكا صورة له وعلق عليها قائلًا: "رسالة لطلاب الثانوية العامة والكليات، هو أنا اه مش متعلم واخدت (محو الأمية) بالعافية لكن ده مش حاجه تفرح ولا تقول (عندك بيكا اهو مش متعلم بس ناجح)، صدقوني والله طعم النجاح مع العلم مختلف تمامًا عن طعم النجاح من غير علم".

وأضاف: "العلم بيفرق في كل حاجه في الدنيا، كمية معاناه بشوفها يوميًا بسبب اني مش متعلم كبيرة أو ي مش بتمني حد منكم يشوفها أو يتعرض لها، العلم بيستر كتير أو ي وبيخليك واعي ومتفتح في كل مجالات الحياة".

وتابع حمو بيكا: "هو اه الشارع علمني كتير، بس مش زي المدارس والجامعات، حتى لو مش هتشتغل بشهادتك وحتي لو دخلت كلية مش بتحبها، بس يكفي انك متعلم ومعاك شهادة تقدر تسد بيها عين الشمس".

اتعلموا وخلوا بالكم من تعليمكم وشهداتكم لأنها هتفرق كتير أو ي معاكوا ومع عيالكم بعد كده، انا اه مدخلتش مدارس وماتعلمتش، بس حابب كل اللي حواليا ناجح ومتعلم واوعي يوم تقول اهو فلان ناجح بس مش متعلم".