رئيس التحرير
خالد مهران
count
count

الرئيس السيسي: لما تلاقوا دخلي تريليون دولار حاسبوني (فيديو)

الرئيس السيسي
الرئيس السيسي

أكد الرئيس عبد الفتاح السيسي، أن الدولة استطاعت تجاوز أزمتين كبيرتين مثل أزمة جائحة انتشار كورونا وأزمة روسيا وأوكرانيا التي أثرت بشكل كبير جدًا على العالم الذي نمثل جزء منه.

وأضاف السيسي خلال افتتاح مشروعات الإنتاج الحيواني، والألبان بالمنوفية الإثنين، أن «فضل كبير من ربنا إن إحنا أزمتين كبار، سواء كورونا أو الأزمة دي كان لها تأثير كبير جدًا على العالم كله.. وإحنا لسه عضمنا منشفش، عضمنا ينشف لما تلاقوا دخلي تريليون دولار في السنة».

وتابع: «لما تلاقوا دخلي تريليون دولار حاسبوني، غير كدا لسة بدري وكلنا نحلم ونجري على حلمنا ده.. أنا بنام وأحلم بالتريليون وعشرة تلريليون وليس ذلك ببعيد عن الله سبحانه وتعالى».

وشهد الرئيس السيسي، صباح الاثنين، افتتاح مشروعات الإنتاج الحيواني، والألبان، والمجازر الآلية، من مجمع إنتاج الألبان بمدينة السادات بمحافظة المنوفية.

ويهدف إنشاء المجمع إلى تنمية الثروة الحيوانية من خلال التحسين الوراثي للسلالات المصرية «لحومها وألبانها»، وتبلغ الطاقة الاستيعابية للمجمع 5 آلاف رأس حلاب وطاقة إنتاجية تبلغ 5.1 طن لحوم حية دورة ونحو 3 آلاف رأس تسمين على مساحة ألف فدان.

ويضم المركز العلمي مستشفى بيطريا، ومبنى للولادة وآخر للتلقيح الصناعي و6 مزارع فرعية و5 حلاب ومزرعة تسمين على مساحة ألف فدان، بالإضافة إلى توفير الأجهزة والمعدات الخاصة بحفظ الألبان ونقلها، بخلاف محطة معالجة مياه الصرف الصحي الآدمي بطاقة 100 متر مكعب / يوم،كما يضم المركز محرقتين للتخلص الآمن والصحي من المخلفات البيولوجية، بجانب مجرشتين بقدرة 10 أطنان / ساعة لجرش الحبوب وتجهيز الأعلاف و7 آبار ارتوازية.

يأتي إنشاء مجمع الإنتاج الحيواني والألبان المتكامل بمدينة السادات، ليؤكد مضي الدولة قدما نحو المزيد من المشروعات القومية الهادفة إلى تحقيق احتياجات المواطنين من جهة، وتوفير فرص عمل مباشرة وغير مباشرة من ناحية ثانية.

خبر سار من الرئيس السيسي للمواطنين بشأن فواتير الكهرباء

وأكد الرئيس عبدالفتاح السيسي، أن الأسعار في مصر تقل عن مثيلتها في بعض الدول الغربية، متابعا بالقول: «عاوز أقول للمصريين خلوا بالكم المفروض الأسعار في مصر تبقى أكتر من كده بكتير، وبقول ده للمصريين علشان يعرفوا أن الواقع اللى عندنا ده أقصى حاجة ممكن نعملها لضبط والسيطرة على الأسعار».

وتابع الرئيس السيسي، في كلمته خلال افتتاح مجمع الإنتاج الحيواني والألبان والمجازر الآلية في مدينة السادات بالمنوفية، الإثنين، "عاوز أقول للمصريين خالوا بالكم المفروض الأسعار في مصر تبقا أكتر من كده بكتير، وأنا والله مش بقول كده بجامل الحكومة، والنهاردة الدول الغربية من ضمن معايير التضخم لا يزيد عن 2 %، وهذه ثوابت عنده سنين كتيرة بكل المتغيرات الدولية، وهناك بعض الدول سجلت 5 و9 و  %11 بتتكلم عن دول غنية ومستقرة وتسعير وحوكمة وسلاسل توريد ومعندهاش النمو السكاني، وفيه دول بقالها 40 سنة عدد سكانها مزدش، حصل عندهم تضخم نتيجة الحرب تضخم وزيادة في الأسعار".

وأضاف الرئيس السيسي خلال افتتاح مشروعات لإنتاج الثروة الحيوانية والألبان: "لو كان تكلفة الطاقة في مصر اتعاملنا بيه طبقا للأسعار العالمية كان حصل قفزة كبيرة جدا في التكلفة، بمعنى أن اللى بينقل منتجاته داخل مصر ما زال بيدفع تكلفة وقود 50 % وأقل من 50 %لتر البنزين بـ 2 دولار يعنى 40 جنيها".

وتابع الرئيس: "بقول ده للمصريين علشان يعرفوا أن الواقع اللى عندنا ده أقصى حاجة ممكن نعملها لضبط والسيطرة على الأسعار، طبقا للى حصل في العالم النهاردة بتكلم عن برميل البترول 120 دولارا طيب لو بقا 150 دولارا؟

وقال الرئيس السيسي: "حريصون على أن نجعل أسعار الوقود والطاقة.. الكهرباء مش خدتوا قرار متزودوهاش، اتكلمت مع الدكتور مصطفى دى 3 مرة نأجل البرنامج علشان منحملش على الناس، بتكلم على 17 مليون مشترك بتدفع أقل من 50 % من الطاقة، مش بقول كده إن الدولة بتمن على شعبها، لكن بنحاول نخلى فاتورة الأعباء على الناس ما أمكن مناسبة"

وتابع: "برنامج الكهرباء لتالت مرة نأجله مع أن تكلفة إنتاج الكهرباء زادت والغاز اللى بيستخدم في الكهرباء زاد.. الهدف من النقاش أن كان الأول 5 دولارات للوحدة دلوقتى بنتكلم في 21 دولار، وكانت أقل من تكلفتها بتتباع للناس طيب لما بقت 214 دولار تساوى كام؟".

وأكمل الرئيس: "بسجلوا للدولة أن ده اقصى حاجة نعملها علشان الأسعار متقفزش والحفاظ على محدودي الدخل.. بره الطاقة زادت الحاجة تزيد وتسمع في كل المنتجات ووسائل النقل، إحنا هنا معملناش ده، ولو مكنش ربنا وفقنا خلال السنين اللى فاتت في 10 مليارات البتلو صدقوني كان تمن الحاجات زاد عن كده".