الورقي
ابنة عادل إمام تكشف تفاصيل من حياة والدها: «مبيحبش القهوة».. وهذه أكثر أكله يفضلها
أكمل الفنان عادل إمام، اليوم الثلاثاء، الموافق 17 مايو الجاري، عامه الـ82، ليكون واحدًا من صناع البهجة وأحد أقوى نجوم الدراما والسينما، على مدار عقود طويلة.
وكشفت «سارة»، ابنة الفنان عادل إمام، تفاصيل عن والدها، في فيديو نادر لها، أثناء إجرائها أحد اللقاءات التلفزيونية.
وقالت: «طول عمري وأنا صغيرة، أبويا بالنسبة لي الرهبة والخوف.. لو عايزة حاجة منه لازم أعدي على ماما الأول وبعدها أروحله، لحد ما كبرت ودخلت الجامعة وابتديت أواجه حياتي، بدأت بعدها أحس إني قربت منه أكتر وأدخل أتكلم معاه وأحكيله على اللي بيضايقني، وأخد نصايحه».
وأضافت: «أكتر أكلة بابا بيحبها هي الملوخية وماما اللي بتعملها، وبيحب يشرب الشاي، ومش بيحب يشرب القهوة، وبيحب الحلويات جدًا».
كما أشارت إلى: «بابا بيدلعني بيقولي يا ساسو.. وماما هي اللي كانت متابعة معايا مين صحابي ورايحة فين وجاية منين وتقول لـ بابا».
آخر أعمال الفنان عادل إمام:
كانت آخر أعمال الفنان عادل إمام هو مسلسل «فلانتينو»، الذي عرض عام 2020، وشارك في بطولته: دلال عبد العزيز، وداليا البحيري، وحمدي الميرغني، وهدى المفتي، ووفاء صادق، وطارق الإبياري، وهو تأليف أيمن بهجت قمر، وإخراج رامي إمام.
