ads
ads

فكرت في الموت.. رسالة صادمة من إدوارد بعد إصابته بـ«كورونا»

إدوارد
إدوارد
ads

 


 

 روى النجم إدوارد، عبر حسابه الرسمي على موقع التواصل الاجتماعي "فيسبوك" تجربته مع "فيروس كورونا" بعد إعلان إصابته.




وقال: "هحكيلكو علي أول ليلة مع الكرونا بما انها اول مره تجيلي وطلعت منها بايه.. ليله صعبه جدا تعب  في الجسم  ذي ما يكون حد بعزبك وبدوس علي كل حته في جسمك وصداع نفسك يغمي عليك عشان تخلص منه ورعشه فظيعه".

 

 



وأضاف: "وطول الليل بقول يارب موش هنكر في لحظه فكرت في الموت والناس اللي ماتت من الكرونا  صدقوني ماخوفتش من الموت خوفت علي مراتي وولادي وعيلتي، وانهم مسؤلين مني ولازم ابقي موجود عشانهم، ولازم اصلي لربنا عشان يقومني اكمل".

 

 



واستكمل إدوارد: "وحسيت اني فقدت شغف كل متع الحياه موش عاوز حاجه عاوز اكون كويس عشانهم بس انا من النوع اللي بحب الناس وبحب الحياه وبحب الاصحاب  انبسط كتير اوي لما لقيت ناس كتير سالو عليا اعرفهم وم اعرفهمش وعاوزين يساعدوني في محنتي باي شكل ومنهم فنانين كبار بجد  و اعلاميين كبار بجد ربنا يباركلكم في صحتكم وعيليتكم".

 



 

وتابع: "كمان اكتشقت قد ايه مراتي  انا غالي عندها موش هممها كرونا ولا موش كرونا قاعده جنبي تعملي كل حاجه تريحيني  قد ايه انتي ست عظيمه جالك كرونا ومقولتليش  السنه اللي فاتت عشان كنت بشتغل وموش عاوزه تشغليني بيكي مكنتش عارف انها صعبه للدرجه دي بجد انتي جبل انكً  استحملتي وكنتي واقفه كمان تخدمينا وتشوفي طلبتنا انا اسق اني محستش بيكي في الوقت ده اوعدك اقوم واعوضك عن كل ده الحياه موش مستاهله غير انك تعيش مع ناس بتحبها وتحبك وتخاف عليك".

 


 

واختتم: "دي الخلاصة اني فقدت الشغف في متع الحياه عاوز اعيش مستور انا وعيلتي ويكون حواليه ناس بحبها وبتحبمي ونتمني لبعض الخير وبس في ليله واحده الدنيا علمتني كتير ربنا يبعد عنكم اي حاجه وحشه".

 



 

وكان إدوارد، أعلن منذ الساعات الماضية، عن إصابته هو ونجله بفيروس كورونا، وتأكده من إيجابية حالتهما.

 

وكتب عبر حسابه الرسمي على موقع التواصل الاجتماعي "فيسبوك"، قائلًا: " إيجابية".



 

وبعد يوم من إعلانه بالإصابة، كتب إدوارد عبر "فيسبوك": "أسوأ يوم عدى عليا في حياتي.. يارب اشفي كل مريض".

إدوارد
إدوارد