ads
ads

صديق مقرب لـ"كريم صبري" يفجر مفاجآت صادمة عن الراحل: كان مكتئب وتعبان

المطرب كريم صبري
المطرب كريم صبري
ads

 

أعرب الفنان صادق عادل، وهو صديق مقرب من الراحل كريم صبري، عبر حسابه الشخصي على موقع التواصل الاجتماعي "فيسبوك" عن استيائه الشديد لكل من هاجم "كريم" بسبب مشاكله الصحية التي تعرض لها، وأدت إلى دخوله مصحة لعلاج الإدمان.

 

وقال "صادق": "كريم ماكنش بالصوره الي بتتقال دي ابدا.. كريم ماكنش بالوحاشه دي بالعكس ده من ارجل الناس الي عرفتها في حياتي.. ارحموه بقه ده خلاص مشي و سابكم، بلاش التشويه ده في  صورته.. كريم كان مكتئب و تعبان من كل القريب منه و اللي استنى منه مساعده و ملقهاش".

 

وأضاف: "كريم كان فنان وشاطر ومجتهد وملقاش الدعم الكافي في اكتئاب وده طبيعي لواحد الناس فاهمه انه ياما هنا و ياما هناك و هو ياعيني بيعافر و بيحاول بكل جهده.. للأسف اللي بيكون من عيله فنيه الناس بتستخسر تساعده و فاهمين ان العيلة الكريمة عامله الواجب معاه و في ناس تانيه اوله".

 

وتابع صادق عادل: "بس الحقيقي ان ده غلط تماما.. لاحد بيساعد ولا قريب ولا غريب.. صحابه بس اللي وقفت جمبه و كانت بتحاول تعمله حاجه مش اكتر.. سواء محمد شفيق او كريم اسامه او انا او كام شخص بس الي قريبين منه.. لاكن مافيش الي الناس فكراه ده، بلاش تشويه في انسان شاف حياه صعبه و سبنا بطريقه أصعب".


واستكمل قائلاً: "بجد مش علشان تجاملو حد تشوهو في صوره إنسان راح لربنا.. وكفاية كلمه اخو الفنان رامي اخو الفنان رامي علي فكره اسمه كريم صبري و ليه تاريخ مش بطال يتشرف بيه. ارحموا علشان ربنا يرحمكم".

 

يذكر أن المطرب كريم صبري، توفي عن عمر ناهز الـ34 عامًا، غريقًا في ترعة المريوطية، بعد هروبه من مصحة لعلاج الإدمان، دخلها يوم السبت الماضي، دون رغبته، للعلاج والتخلص من السموم في جسمه.

صادق عادل
صادق عادل