كشفت آية سعيد شقيقة الفنان الشاب يوسف عمر، عن تدخل الفنان اشرف زكي نقيب الفنانين، ومتابعته لحالة شقيقها بعد تعرضه للحرق أثناء مشاركته للفنان محمد رمضان في إعلان تجاري، وتم دس مفرقعات له.

وقالت شقيقة يوسف عمر في منشور لها على "فيسبوك" قائلة:" أيوة شوفت فيديو محمد رمضان ال مصور فيه ضهره محروق على أنغام أغنية كله في حبك يهون، ودة ملوش اي معني غير ان سيادته بيشتغل مع شوية هواه.

وقالت: "أخويا يوسف ربنا نجاه من الموت امبارح في تصوير اعلان لعبة اسمها free fire لمحمد رمضان، انفجرت فيه قنبلة فيها بارود، وخبير المفرقعات ال بيشتغل مع رمضان اسمه عصام الوريث اللي المفروض جزء من وظيفته الحفاظ على حياة الناس اللي بيشتغل معاهم، قاله ديه قنبلة صوت ومطلعتش كدة ومفكرش حتي  يلبسه حاجة تحميه او ينبهه او يعدل مكان وقفته".

واشارت قائلة:" من غير سابق انذار ومن غير اي احتياطات تحافظ على جسمه وعلى حياته هو و اللي حواليه انفجرت القنبلة تحت رجله والنتيجة حروق من الدرجة الأولي في رجله كلها والتهاب في جدار الخصيتين وعمره كان هيضيع والخصيتين كانوا هينفجروا لولا ستر ربنا وانه وطي ورجع لورا على اخر لحظة".

واستكملت قائلة"أستاذ عصام كان شايف أن "يوسف"  مأفور وان فيه ايه يعني اللي حصل دة انت مثلت مع رمضان دة انت دخلت التاريخ وشوفت المشهد طلع حلو ازاي!".

وختمت قائلة: "أستاذ أشرف زكي مشكورا ماسبهوش لحظة ومتابع معانا كل التفاصيل، فيه  تقرير طبي وفيه محضر  وهتبقي قضية وكدة كدة حقه مش هنسيبه".

اقرأ أيضاً: