" بالصور" إلتهاب في جدار الخصيتين وحروق.. تفاصيل تعرض نجل فنانة شهيرة للخطر بسبب محمد رمضان

وتوعدت الفنانة "لبني" لمدير التصوير والفنان محمد رمضان ملاحقاتهم قضائياً، مشيرة لتعرض نجلها لحروق من الدرجة الأولي وإلتهاب في جدار الخصيتين وكادت أن تنفجر لولا أن رجع "عمر" للخلف وحاول تفادي الإشتعال الذي وقع،  وذلك بعد زرع قنبلة له أثناء التصوير وتضليله أن القنبلة ماهي إلا قنبلة صوت تستخدم في التصوير فقط، ولكن الواقع أثبت عكس ذلك.

وقالت " لبني" ان نجلها قام بإستخراج تقرير طبي بالحالة التي هو عليها حالياً، وقالت في منشور لها على "فيسبوك" قائلة:" إذا عملنا كل حاجة طبيعية وحقيقية كنا هَلَكنا، ولاتُلقوا بأيديكم إلى التهلُكه".

وتابعت:"يعنى إذا فى مشهد يا أستاذ "محمد"  التمساح بياكلك نترحم عليك ويبقى آخر مشهد فى حياتك؟! تعلمنا مهنة التمثيل على يد عظماء التمثيل ولم يُطلق عليهم هذه الكلمة المزعومة "النجم،والنجمة" فى مهنتنا يا أستاذ محمد رمضان وأنت وأنا وكلنا عارفين إن مايسمى بالنجم إستغفر الله العظيم بيتعاملوا معاه فى اللوكيشن كأنه إله هو المِحور والكل يدور حوله، هل ممكن تتعرض لما حدث لأبنى فى التصوير معاك؟ مستحيل طبعا بتعمل أكشن وبتبقى عارف قبلها كل تفاصيله مرة واتنين وعشرة واللى عاجبك بتوافق عليه واللى مش عاجبك بتغيره على هواك ماحدش بيفرض عليك حاجة، يعني القنبلة اللى زرعها عصام الوريث لأبنى تحت منه ومن غير ما يقوله ولا حتى يلبسوا واقى يقدر يعمل معاك كدة ليه؟!!!! أنت بنى آدم وآبنى مش  بنى آدم أنت أغلى الناس عند والدتك ويوسف نن عينى ومافيش أغلى من الضنا.

وأشارت قائلة:"حط إبنك مكان يوسف هاتقول برضه كله فى حبكم يهون بس أرجع واقولك أبنى ربنا هايجبله حقه من اللى أسمه عصام الوريث دة اللى ميعرفش أبجديات عمله اللى بيستبيح حياه الشباب عشان يحقق الطبيعية المزعومة الغلط  اللى حضرتك بتتكلم عنها  حق أبنى إن شاءالله هايرجعله مش هاسيبه عشان يبطل سى الوريث دة أنه يستهين بحياه الناس، سؤال بقى لما نموت سيادةالنجم هايندفن فين؟ الديان والعدل والحق موجود وأعتمدنا عليك يارب".