بعد انفصاله المفاجئ عن هنا شيحا.. أحمد فلوكس يعلن ارتباطه

فاجأ الفنان أحمد فلوكس جمهوره بخبر ارتباطه بسيدة أعمال في مجال السياحة وذلك بعد انفصاله عن هنا شيحة بـ8 شهور فقط، حيث أعلنا انفصالهما في شهر يوليو الماضي بعد زواج دام لأقل من عام.

وكشف "فلوكس" إنه يعيش قصة حب كبيرة حاليًا وإنه لم يتقدم لها رسميًا حتى الآن على الرغم من إنها حب عمره وعشرة سنين حيث أوضح إنها كانت معه في نفس المدرسة وكانت متزوجه مثله ولديها أولاد.

وكتب عبر حسابه الرسمي على موقع انستجرام: "بسببب الصوره دي قالوا عليا اتجوزت و بقضي شهر العسل و قابليها قالوا عليا اني اتجوزت عرفي و قابليها قالوا كلام كتير بس احب دلوقتي اقول انا ايه ..... الحقيقه اه ادعولي اتجوز الانسانه اللي قابلتها و الحقيقه هي كانت معايا في نفس المدرسه و عشره سنين و مش زي ما قالوا خبيره تجميل هي الحقيقه سيده اعمال في مجال السياحه".

وأكمل: "و بنت ناس محترمين جدا و من عيله ولان وزنها يتاقل دهب و الحقيقه علشان اقدر اروح اطلب اديها و انول شرف جوازها محتاج ترتيبات كتير و احوش كتير علشان مهرها اكيد مش مهر عادي ولا شبكتها هاتكون شبكه عاديه".

وتابع: "و بما اني مش صغير و عندي ابن فاكيد هي كمان مش صغيره و اكيد عندها ولاد من اجمل الاولاد اللي شوفتهم في حياتي فا اكيد الجواز محتاج وقت و تحضير و علشان اروح لاهلها ده لوحده موضوع كبير .... فا علشان كده لسه ماخدتش خطوه صريحه".

واختتم قائلًا:" ادعولي علشان ساعات بيكون رزق رينا لعبده هو واحده زي دي تشاركه حياتوا ... للي مهتمين بجوازي ادعولي ربنا يوفقني ..... دي ردي علي موضوع الجواز ... و في النهايه احب اقول كلمه واحده بالنسبه لموضوع السرير سكر محلي محطوط عليه كريمه ".

على صعيد آخر، يستعد الفنان أحمد فلوكس لخوض تجربة المسلسلات الإذاعية من خلال مسلسل "طلقني شكرا" الذي تعاقد عليه مؤخرًا وتشاركه فيه الفنانة هنا شيحة، ولم يتم تحديد موعد عرضه حتى وقتنا الراهن ولكن من المتوقع إنه يكون في رمضان 2020.