رد قاس من زوجة أحمد الفيشاوي على فيديو الرقص في الشارع

اعتادت ندى الكامل، زوجة الفنان أحمد الفيشاوي، أن تثير الجدل بتصرفاتها أمام وسائل الإعلام، وكاميرات المصورين، مع زوجها لكن هذه المرة أشعلت الجدل، بالرقص في الشارع بمفردها.

وظهرت "ندى" في مقطع فيديو، وهي ترقص بأحد الشوارع، مرتدية ملابس المنزل، على أنغام أغنية أصالة "جابوا سيرته"، وكانت قبلها بعدة ساعات، نشرت صورة لها وهي تركب سيارتها. 

وانتشرت الصورة بشكل كبير عبر مواقع التواصل الاجتماعي، وأثارت جدلا بعدما تناقل الكثيرون أخبارا عن سعر سيارتها الفارهة، فيما انتقدها البعض ما وصفوه بالاستعراض للممتلكاتها أمام الجميع.

وأخيرا خرجت ندى كامل عن صمتها، وردت عبر حسابها الشخصي على موقع التواصل الاجتماعي "فيسبوك" ، على منتقديها قائلة: "انتوا ناس رخمين، وبايخين، وتافهين، وفاضيين.. ولأنا قررت أبقى زيكوا.. لأ عربيتي مش بمليون جنيه، عربيتي تمنها 2 مليون و٦٠٠ ألف، ودي عربية واحدة من التلاتة إللي عندي، وكلهم مافيش منهم غير قليل.. وأنتوا ناس جهلة، ومش عارفين حتى دي أي فئة.. عربيتي E CALSS COUPE، مش cla، ولا إللي قولتوه ده..".

وأضافت: "يا رخمين يا فاضيين.. لازم يعني أعمل showing يعني!! وأبين نعم ربنا ليل نهار، ونستعرض والناس اللي حظها قليل، نفضل نزهقها بالأخبار دي، والتصرفات المريضة إللي للأسف بقت موضة رخيصة، عند بعض الناس.. للأسف كل إنسان عنده نعمة متاخد منه حاجات قصادها كتير، وأنا أتحدى صاحب الخبر ده وغيره، وبطلب منه ياخد ده كله ويعيش عيان، وأنا مش عاوزة حاجة غير الصحة، وراحة البال، والنوم من غير هم، أو خوف إني هصحى بكرة، ولا خلاص.. وده أحساس مريع وهلع.. وأن ولادي وصحابي وجوزي وعيلتي يكونوا كويسين".

واختتمت: "الناس إللي ربنا مديها الصحة دي نعمة كبيرة أوعوا تنسوها.. حسوا بنعمة الصحة، الخبر رخيص وغير صحيح، ولا يتسم ولا يمت للحقيقة بصلة.. يا رخمين.. ومش عيب إني أبين نعم ربنا وافرح بيها.. على الأقل مش بنسى أحافظ على شعور الناس.. لكن إللي بتكتبوه دا إللي بيخلي الناس تكرهنا، وطبعا هتقولوا دي أخبار عادية بتحصل لشخصيات المجتمع.. أنا ولا بحب الحياة دي، ولا عاوزه أبقى جزء منها، غير إني مرات أحمد وبس، ومبحبش اختلط أصلا بحد، واللي بتعامل معاهم يتعدوا على الصوابع.. عيب عليكم".