الورقي
مصطفى خاطر يوجه رسالة مهمة فى ختام عروض «مسرح مصر»
كتب الفنان مصطفى خاطر عبر حسابه الرسمي بموقع إنستجرام تعليقًا على ختام العروض المسرحية لفريق مسرح مصر.
ونشر "خاطر" صورة تجمعه بأعضاء الفريق، قائلا: "والله العظيم أنا مش عارف أقول إيه، المشاعر جوايا كتيرة قوي، فرحة كبيرة بالنجاح، وحزن شديد بحنين غريب، أنا مش عارف بقول إيه المشاعر اللي جوايا مش لاقيلها كلام أكتبه".
وتابع: "بشكر الجمهور اللي وقف في ظهرنا على مدار ٧ سنين، بشكر الأستاذ أشرف عبد الباقي اللي وثق فينا وأدانا فرصة كبيرة زي دي، وعلمنا كتير قوي وصبر علينا واحتوانا كأب وأخ كبير".
وأضاف: "بشكر كل القائمين على المشروع من أصغر عامل لأكبر حد ساهم معانا في التجربة، بشكر عم حسن نجيب مدير الفرقة الخبرة الكبيرة والحب اللي زرعوا فينا، بشكر الأستاذ نادر صلاح الدين المخرج والمؤلف للمشروع وصاحب مجهود كبير وخبرة كبيرة إدهالنا".
وأكمل: "وأخيرا بشكر كل زمايلي الممثلين في الفرقة، وبقولكم أنا بحبكم جدا جدا، ونعم الأخوات والصحاب وإن شاء الله دايما في ظهر بعض".
