رئيس التحرير
خالد مهران
count
count

طبيب بـ"القومي للكبد": نحتاج لنشر ثقافة التبرع بالدم بين المواطنين في مصر

النبأ


علق الدكتور محمود طلعت، منسق عملية زراعة الكبد بالمعهد القومي للكبد، على تبرع أهالي قرية نواره بالفيوم بـ 700 كيس دم لمريض كبد، “صورة جميلة جدا وكنت متوقعها”، على حد قوله، وذلك خلال مداخلة هاتفية في برنامج "رأي عام"، الذي يُعرض على شاشة TeN، مع الإعلامي عمرو عبد الحميد.

وأضاف طلعت، أن هناك حالة مشابهة أيضًا في الفيوم في قرية بجوار القرية التي بها المريض الأخير وقاموا أيضًا بالتبرع بالدم بشكل كبير للغاية، مضيفًا : "أنا مشرف على تحضير المريض لحد ما يدخل العملية، تحضير الدم، وبكون مسؤول عن حملة للتبرع بالدم للمريض خاصة اللي ليهم رغبة في كده، عشان اجمع لهم أكياس الدم مجانًا".

وتابع: " كان فيه مريض زراع كبد من 10 شهور في قرية جنب القرية اللي فيها عادل فودة اللي هو المريض الحالي، كانت فيه ناس كتير اتبرعوا ليه، أنا تواصلت معاه على طول قولتله فيه واحد من قرية جنبك هيزرع زيك بالضبط، ياريت تخلي الناس تتبرع وتساعدة".

ولفت : "الناس في القرية اللي عند المريض الأول بقوا ينافسوا أهالي قرية المريض فودة في التبرع ، ده يساعدنا إحنا عشان نتخطى مرحلة العملية والعلاج بسلام ونفسية المريض ونفسية أهله تكون مستريحة لما يحسوا إن البلد كلها معاهم ، وعاوزين ننشر ثقافة التبرع بالدم بين الناس".