هنا الزاهد تودع طلعت زكريا بكلمات مؤثرة وتكشف كواليس حياتها الشخصية معه

ونشرت " هنا" صورة من عقد قرانها تجمعها بالفنان طلعت زكريا عبر حسابها الشخصي على " إنستجرام".

وعلقت على الصورة قائلة:" دى اخر صورة اتصورتها في كتب كتابي مع ابويا وحبيبي وسندي اللي كبرت معاه سنين ، انا فاتحة الصورة دي من بدري وعايزة اقولك ان ربنا هيدخلك الجنة يا أطيب خلق الله انت ربيت ٣ بنات وكأنك ابوهم واكتر انا عايزة اقولك اني ماعرفتش كلمة بابا غير وانا معاك، عمري ما قلت تقريباً بابا غير ليك، كنت بجري عليك اول ما اعمل حاجة غلط علشان تدافع عني قدام ماما.

فاكرة اول بيض اومليت وقولتلي اعملي مطعم بالهنا والشفا واديتني ١٠٠ جنيه علشان تشجعني اطبخ كنت دايما بتقولي انتي هاتبقي حاجة كبيرة وكنت بتشجعني، كنت فخور بيا لما اتخرجت وعيط اليوم دة انا عمري ماحسيت انك مش ابويا اللي مخلفني انا مش مصدقة اني مش هاشوفك تاني واقولك زازي يا زازي، نفسي ترجع  واقولك قد اية احنا بنحبك كلنا واقولك انك اعظم ممثل، انا بحبك اوي وماكنتش اعرف اني بحبك اوى كدة، هاتوحشني يا احن إنسان عرفته في حياتي.. ارجو الدعاء.

يذكر ان توفي الفنان طلعت زكريا بإحدي مستشفيات مدينة ٦ اكتوبر، امس الثلاثاء على اثر وعكة صحية تعرض لها عن عمر يناهز ٥٩ عام.