الورقي
أحمد فهمي: احتمالية تدخل جراحي في حالة "هنا"
كشف الفنان أحمد فهمى تطورات الحالة الصحية لزوجته الفنانة هنا الزاهد بعد تعرضها إلى وعكة صحية شديدة ألمت بها فى شهر العسل ونتج عنها نقلها إلى المستشفى لتلقي العلاج.
وقال أحمد فهمى عبر صفحته على فيسبوك: "شكرا لكل الناس اللى بتسأل على هنا ومعلش مش عارف أرد على كل الناس، لأنى كنت محتاس لوحدي، الموضوع إننا فى المستشفى هنا فى سنغافورة، وهنقعد ثلاث أيام تحت الملاحظة ولو محصلش تحسن هيبقى في جراحة".
وأضاف فهمى قائلا: "الموضوع بايخ ومفاجئ بس بشكر الدكتور أشرف زكى فعلا، والدكاترة المصريين: الدكتور أشرف أبو الهوا و الدكتور أحمد نجم اللي متابعين من مصر الحالة مع دكاترة هنا، وبشكر معالى السفير محمد أبو الخير، اللى واقف معانا جامد هو والمصريين فى السفارة على رأسهم: محمد زغلول وطبعا، وضياء محمد كامل اللى واقف جنبى جامد من مصر، إن شاء الله خير".
يذكر أن هنا الزاهد تعرضت إلى أزمة صحية، منذ أيام قليلة خلال قضائها شهر العسل مع زوجها الفنان أحمد فهمي في سنغافورة.
