الورقي
بعد فيديو «السمنة».. إنجي وجدان تهاجم ريهام سعيد
ردت الفنانة إنجي وجدان على انتقادات الإعلامية ريهام سعيد بخصوص "أصحاب السمنة المفرطة".
ونشرت إنجي وجدان، مقطع فيديو، على صفحتها الرسمية عبر موقع تبادل الصور والفيديوهات «انستجرام»، قالت خلاله: "ليس من عادتي الرد على أحد، ولا عمل مشاكل، ولكن وجب الرد على كلام الإعلامية ريهام سعيد، بعد وصفها للتخان على أنهم عبء على الدولة، لكونهم ميتين، وشكلهم غير مقبول، "وريحتهم عرق" لما بهم من سموم، ردي عليكي 'انك كنتي عيانة، او عيانة، أو مش عارفة إيه، بس مش في صالحك انك تتكلمي ع الناس بالطريقة دي، انا كواحدة تخينة ماعنديش كل المشاكل اللي بتقولي عليها دي، الحمد لله، وغيري كتير، وتعاطفت معك لما تحدثتي عن مرضك، ودعينالك، برغم أن الكثير ضد تصروفاتك".
وأكملت "وجدان": "ضايقتي الناس لما اتكلمتي عن شكلهم وحش ودا مش في صالحك، انا كنت رياضية وتخنت، وبتحصل للكثير، وكنت بلعب رياضة وانا تخينة وماحصليش أي مشاكل، واتجوزت، وجوزي رفيع، مش تخين، ما اضطرش يجوزني عشان نبقا تخان مع بعض حسب كلامك، الموضوع لا بالوزن، ولا الشكل، ولا بكام طبق في اليوم، والتخن ممكن يكون مرض، في أدوية بتخن، أو بمشكلة في الغدد، والتخان ممكن يكونوا أحسن منك في الجيم، ومش من حقك تتكلمي عنهم".
وتابعت: "أنا مش ميتة، بمثل، وعايشة حياتي، وبقوم بأدوار حلوة، تفرح الناس، مش آكئبهم، دوري إعطاء الأمل للناس، لما تقولي للحد انت ميت، فين التشجيع، انتي أساسا بتتكلمي علي أساس إيه، انتي تعرفي ظروف الناس؟، الرفيعين كمان بيعانوا من مشاكل، ولا عمرك ما شوفتي دا؟، اطلبي الناس تكون معاكي، مش تغلطي فينا كلنا بلا استثناء، وعلي أي اساس تحكمي على اختيارات الناس وإنهم بيختاروا بعض عشان وزنهم من غير حب، ربنا كان ممكن يخلقنا كلنا شبه بعض، لحد دلوقتي مش مستوعبة كلامك، وكان ممكن توصلي الرسالة ألطف من كدا، وطالما مافيش مشاكل صحية يبقا فين المشكلة، المهم ناخد بالنا من نفسنا، ليه نحكم ع الناس بشكلهم، دي تفاهة".
يذكر أن ريهام سعيد، وجهت خلال برنامجها، انتقادات لأصحاب السمنة المفرطة، قائلة: "الناس التخينة ميتة عبء على أهلها وعلى الدولة وبيشوهوا المنظر، منظرك بيكون مش حلو وأنت بالعباية أو بالجلابية مش قادرة تمشي".
لينك الفيديو..
