الورقي
بالصور.. تفاصيل صادمة عن محاولة انتحار طبيب بمستشفي الشيخ زايد التخصصي
أقدم طبيب يعمل بمستشفي الشيخ زايد التخصصي على الانتحار وقام بعرض محاولته الإنتحار على صفحته الشخصية على "فيسبوك"، الخاصة به مما تسبب فى حالة من الذعر بين أهله وأصدقائه واسرعوا الى منزلة لإنقاذ.
وأكد مصدر أن الطبيب مايكل هلال أقدم على الانتحار بقطع شريان يده اليسرى في منزله بمحافظة الاقصر، وعرض ذلك على صفحته بموقع التواصل الاجتماعى الفيس بوك مطالبا بعدم الصلاة عليه بعد وفاته.
وأضاف المصدر أن أصدقاءه أسرعوا إلى منزله لإنقاذه وتم نقله إلى مستشفى أرمنت الدولى بالاقصر وتم إجراء كل المحاولات لإنقاذه وتم نقل كمية كبيرة من الدم له.
وسبق وان اخبر مايكل بعض أصدقاء بإقدامه على الإنتحار وتعامل بعضهم مع الخبر بسخريه إلي ان اقدم على الانتحار.
وكشف احد أصدقاءه من ما يعانية " مايكل" عبر صفحته الشخصية على "فيسبوك" قائلاً:" مايكل جاله جلطه كبيره في المخ، كان بيدخل في اكتئاب اوقات كتير اووي قبل الجلطه مبالك بقي بعد الجلطه.
وتابع قائلاً:" مايكل اهله كانو بيشتموه و يعنفوه وهو نائب جراح قلب مش طفل، سافرلهم الاقصر علشان يموت في بلده لانه كان حاسس انه خلاص بيموت، وده اللي لقاه منهم .
واستكمل قائلاً:"لو رجعنا لكلامه فى البوست بتاع اهله هنلاقي ان اهله واكلين عليه فلوس ولو رجع القاهرة مكنش هيلاقي ياكل ولا يتعالج فملقاش منهم غير التعنيف والشتيمه والبهدله وكان دايما بينزل تفاصيل تعبه، وده خلي ناس معندهاش رحمه تتريق عليه و تقول كلام دايقه.
وقال:"مايكل انتحر بسبب الناس الوحشه اللي حواليه سواء اهله او اللي بيقولو عليه كلام من نوعيه بيمثل ونزل صورته وهو مقطع شراين ايده ورجليه، واتنقل لمستشفي ارمنت التخصصي في الاقصر، والجروح اتخيطت واتنقله بلازما واحتمال يحتاج بلازما تاني، ياريت لو حد يقدر يتبرع ببلازما او بعد مايقوم يتبني حالته وموضوع الجلطه ده ادعوله وصلو له".
وقبل ان ينتحر مايكل قال في منشور له عبر صفحته الشخصية:"بالنسبة للناس أللى متعرفنيش و ميعرفوش ال dimensions للى حصل.. أولا أنا نائب جراحة قلب.. الجلطة عملاقة فى المخ فى شريان كبير إسمه ال middle cerebral artery.. إل extend بتاع الجلطة عمل infarction و ischaemia يعنى نقص فى التروية الدموية.. فى الفص الصدغى كله أللى هو temporal lobe وأخد معاه فص تانى إسمه ال parietal lobe دول فصين من أربع فصوص فى النص اليمين أللى هو ال right hemisphere.. مفيش اى طريقة أعرف بيها مدى ال damage أللى حصل.. بس عموما الايد و الرجل الشمال مش شغالين.. إمبارح اكتشفت إن العصب السمعى طار و فقدت السمع فى الودن اليمين.. إنهاردة العصب التامن طار و فقدت التوازن تماما.. السيولة كان لازم تعمل نزيف داخلى.. اى حد هيتوقع إنها تعمل نزيف فى المخ.. بس لحسن الحظ النزيف الداخلى حصل فى القولون.. معرفش إيه المراكز التانية فى الفصين دول ممكن يطيروا.. ممكن ماموتش من نزيف تانى أو سكتة قلبية و أفضل عايش بس هابقي عايش عاجز ومش هارجع للجراحة تانى واحتمال مقدرش ارجع الطب كله وده أسوأ من الموت و مش متخيل حيآتى بالشكل ده.. أنا نفسيا كويس ومستعد.. أنا مكنتش متوقع كمية الحب أللى اديتوهالى.. أنا محظوظ جدا بيكم.. بالمناسبة فيه بنت كنت مرتبط بيها من سنتين اتصلت بيا بتقولى إنت بتلم تعاطف و اهتمام و عايزة تنصب عليا.. بجد والله.. ما علينا.. أنا كويس.. و أنا آسف انى مش قادر أرد على حد أو أتكلم.. أنا مش قادر.. مش مش مهتم أو مش عايز.. أنا ماستاهلش الاهتمام ولا التعاطف يا جماعة.. أنا كطبيب شوفت مرضى حالاتهم أسوأ بكتير و شوفت أسر اتدمرت و ماتت بالكامل.. يعنى أنا شايف انى محظوظ فعلا.. الحياة عشوائية و عبثية و أنا مدرك ده تماما.. و قصة إن تحصلى كوارث صحية نادرة و مش مفهومة.. دى حاجة عادية.. أنا مش على راسي ريشة عشان أعيش حياة مستقرة.. شئ طبيعى انى اكون جزء من عبثية الحياة.. و أنا متصالح مع ده.
