رئيس التحرير
خالد مهران
count
count

خلل بجهاز المناعة يعرض هذه الإعلامية لـ70 حقنة في الرأس.. اعرف التفاصيل

فروة الراس_ أرشيفية
فروة الراس_ أرشيفية

أعلنت الإعلامية سالي عبد السلام عودة المرض لها مجددا، حيث إنها تعاني من خلل في جهاز المناعة يؤدي إلى سقوط الشعر، الامر الذي جعلها تخضع لـ70 حقنة بالرأس في الجلسة الواحدة.

وكتبت سالي عبد السلام، عبر حسابها على "فيسبوك"، منشورًا قالت فيه: "اتأكدنا والتحاليل كمان وتانى مالهاش سبب.. كلها بسبب الضغط النفسى والزعل جسمك ومناعتك تهاجم الشعر وبدأت تكتر لأنها نشطة الحمدلله..سبحانك!.. ماحدش مبسوط ١٠٠٪؜ الحمدلله وراضيين وبتيجى حاجات تحزن، أقرب ناس ليا تتفاجئ إنك شوفتها لما تعرفها منك وعمره ما بان عليا، والناس تقولك وتزعل ليه ميعرفوش شايفيناك من برا بس جسمك بيبقى أذكى منك! والله حاولت والله ..مش زعلانة ".

وتابعت: "هنبدأ ثالث جرعات وكورتيزون أقراص وحقن وحقن فى الرأس ثانى الـ٧٠ شكة كل أسبوع عداهم فى عظم راسى ..عداهم، ربى يعلم بوجع وألم الكورتيزون فى الرأس بالذات، بيحرق وثقيل زى الزيت عشان يدخل الرأس وصداعه ربنا يعفو عنا منه، أمى يا حبيبتى راحت معايا مرة من منظرى مستحملتش تيجى ثانى، بقيت أروح لوحدى سبحانك والله... غير أضراره الجانبية اللى كنت لسه مخفيتش منها من كام شهر وقفنا بنتعالج من أضراره الجانبية وقلنا الحمدلله خلاص خلصنا... بس ابتلاء حب بيختبرك... والله رضا يا الله".

وأضافت: "دعواتكم هونت كتيير نزلت سكينة ورضا وصبر ومعيطش المرة دى عشان دعيتولى والله .. هو إيه الحب الحلو ده! ويهزروا ويقولولى عملتى العمل فين عشان الناس تحبك كده مغرورة بحبكم!! والله الحاجة الوحيدة اللى بتباهى بيها واتغر واتبسط واقف أشكر ربى وأقول اللهم دمها نعمة من قلبى يارب هون.. يا رب سلم، اللهم اشفى مرضانا يا رب لا تبتلينى فى صبرى.. اللهم اعفو عنا يارب يارب يروح ما يجى تانى يارب نبطل نفكر ونزعل ونتوتر ونفصل ونروق ونمشى بعيد يارب".

وعاد خلل جهاز المناعة مهاجمة شعر سالي عبدالسلام للمرة الثالثة بعد علاجها  على مدار عامين، ومن المقرر أن تبدأ في تلقى جرعات العلاج بالكورتيزون وهي عبارة عن أقراص وحقن بالرأس والتي يصل عددها لـ70 حقنة في الأسبوع.