الورقي
بالصور| ثورة بين حاجزي مشروع «جنة» للإسكان الفاخر.. والسبب صادم
أعرب عدد كبير من راغبي الحجز في مشروع «جنة مصر» للإسكان الفاخر عن استيائهم، من عدم استطاعتهم الحجز صباح اليوم، الإثنين، بعد فتح الموقع الإلكتروني للحجز صباح اليوم الساعة 10صباحا.
وكتب هاني يونس، المتحدث الرسمي باسم وزارة الإسكان، منشورًا له عبر صفحته الشخصية على موقع التواصل الاجتماعي «فيسبوك»: «إنه في أول نصف ساعة من فتح الحجز الإلكتروني لوحدات جنة للإسكان الفاخر تم حجز جميع الوحدات».
من جانبها، علقت إيمان شوقي، إحدى المتابعات للمتحدث الرسمي باسم الوزارة، على المنشور قائلة:« كل ما احجز حاجة يكتبوا تم حجز الوحدة من قبل والعماير كلها كانت قدامي والأرقام كلها، بجد منهم لله اللي شغالين في الحرام».
فيما قال أحمد الحناوي: « زايد قفلت في 5 دقائق كل الشقق، أولا: أصلا فيه عماير أرقام الشقق فيها محذوف وتدخل على أي عمارة يقولك اتحجزت والغريب أن الأرقام بتكون موجودة، طيب ليه فيه عماير أرقامها متشالة أصلا من السيستم.
ثانيا: ليه ما أعلنوش عن عدد المتقدمين بكل مكان علشان نعرف فيه عدد كبير ولا لا.
ثالثا: يعني بربع ساعة زايد تتقفل وسعرها يعني مش رخيص للدرجة دى.
رابعا: ليه يخدوا مننا ٥٠٠ جنيه مصاريف من غير ما ناخد شقق أصلا.
خامسا: الحكومة كده بتولع وبتزيد أسعار العقارات بزايد أكثر من قيمتها.
سادسا: المفروض نعمل جروب للمتضررين من حجز مشروع جنة.
وتابع قائلا: «المفروض نرفع عليهم قضيه ونجيب خبير حاسب آلي ونظم ومعلومات لفحص نظام وأجهزة الكمبيوتر الموجودة ببنك الإسكان وهيئة المجتمعات العمرانية علشان نعرف الحجوزات تمت إزاى».
وقال ثالث يدعى «محمود عادل»: « كل الشقق المميزة في أكتوبر محذوفة من على السيستم حاجة تحرق الدم ربنا ينتقم من عمل كده».
وأكد العديد من راغبي الحجز في مشروع جنة للإسكان الفاخر بأن هناك تلاعبًا تم على موقع الحجز الإلكتروني؛ خاصة بعد نفاد جميع الوحدات بعد 5 دقائق فقط من فتح الحجز الإلكتروني.
