ads

شكوى تكشف «مرمطة» المواطنين لتحديث بيانات البطاقة التموينية

مكاتب تموين - أرشيفية
مكاتب تموين - أرشيفية
ads


تلقت جريدة «النبأ»، شكوي من المواطنة تدعي إسراء عبد الرحمن، حول حذف ابنتها من البطاقة التموينية، وصعوبة تحديث بياناتها بمكاتب التموين بالإضافة إلى المعاملة السيئة من الموظفين.

وقالت في شكوتها: «اللي بيتعمل فينا ده حرام حرام بجد، أنا من أول الشهر اللى فات متبهدلة على البطاقة، وزوجى متوفي من سنتين وأول ما توفى روحت حذفته علشان ما يبقاش حرام، وكنت بصرف أنا وبنتى وعندى طفل تانى ملوش تموين».

وأضافت: «تفاجأت من أول شهر 5 حذفوا بنتى ليه ما عرفش وبقيت أصرف فرد واحد، بس قولت مش مشكلة خلينا فرد واحد ورضيت بما أمر بيه وزير التموين، من أول شهر 9 ظهرت رسالة بتحديث البيانات، أو البطاقة هتقف، وروحت أضيف ابني وبنتي تانى وأحدث».

وتابعت: «وبالفعل عملت إضافة للأولاد والمشكلة بقى فى التحديث، شايفة الزول من أول الشهر وكل يوم أنزل من البيت الساعة 5 ونص عشان أحجز بدرى، وبعد ما الموظف يجي يقولى التحديث فى السيبر، أروح السيبر يقولى ما فيش بيانات أرجعى المكتب أرجع المكتب تانى يوم طبعا عشان ما فيش وقت ومش عارفه تحديث فى البيت عشان ما فيش بيانات ».

وواصلت: «اليوم روحت الساعة 5 وقولت يا قاتل يا مقتول، اللي حصل بقى ما فيش غير موظفة واحدة بس والناس أكتر من 5000 مواطن ومافيش غير شباك واحد بس والموظفة تقول للناس أخبطو راسكم فى الحيطة، ده عدل ورجعت زى ما روحت، مكتب التموين في الوفاء والأمل فى فيصل بمحافظة الجيزة».

ads
ads
ads