ads
ads

بالصور| تفاصيل انقلاب سيارة «لانسر شارك» بسيدة.. والتوكيل «نايم في العسل»

سيارة لانسر شارك - أرشيفية
سيارة لانسر شارك - أرشيفية
ads

 

حذرت سماح علي، أحد المواطنين، من شركة «دايموند موتورز» التوكيل الرسمي لسيارات «ميتسوبيشي» وخاصة سيارات «لانسر شارك»، بعد انقلاب السيارة؛ نتيجة عدم استجابة الشركة لشكوتها.


وتروي سماح علي، تفاصيل الواقعة، قائلة: «مصيبة ومش عارفه أخد حقي من الشركة (دايموند موتورز)، وكل الجهات مدعماها ،عصابة وبلطجة ولا حد يشترى (اللانسر الشارك)».


وأضافت: «أنا اشتريت عربيتي يوم 9/5/2017 وكان فيها مشكلة اكتشفتها في صيانة 10000 كم متر، وهي العربية بتحدف يمين والطارة، فيها هزة شديدة والعربية بتيجي عند 100 وتغربل جامد وعملت شكوى في التوكيل (مركز صيانة دايموند موتورز)، طريق اوتوستراد المعادى».


وتابعت: «عملت صيانة يوم 8 يوليو 2017 ونتيجة الصيانة أن العربية جديدة وتحتاج إلى إصلاحات، العفشة بتاعتها قلت ماشى، ولكن بعدها بأيام حصل نفس المشكلة وعملت شكوى ثانية في صيانة 20000 كم متر يوم 29/8/2017 بس المرة دى كانت مخيفه جدا».


وواصلت: «اتصلت على الخط الساخن؛ لاستغيث بهم، وقولت لهم بنفس اللفظ (أنا خايفة العربية تتقلب بيا بسبب الغربلت الشديدة، بالفعل أخذت معاد صيانة في نفس المركز (دايموند موتورز)،  طريق اوتوستراد المعادى، ونتيجة الصيانة أن تيل الفرامل عايز يتغير قولت لهم حاضر ودفعونى ثمن التيل والمصناعية كمان».


واستكملت: «للأسف كل مخاوفي حصلت، ولم قولت أن ممكن تنقلب بيا، مكنتش عارفه إنها ممكن توصل لكده، أنا روحت التوكيل علشان أمشى بأمان مش أموت».


واستطردت: «العربية انقلبت يوم 11/9/2017 يعنى بعد تركيب التيل بعشرة أيام، واللي حصل أن العجلة طارت، بالدشمة وشاسية، مع أنه لم يحدث صدام مع أي عربية أخري».


وختمت: «بعد مرور عشرين يوم تقريبًا تقرير جامعة عين شمس قال إن العربية ما فيهاش عيب صناعة وسبب الحادثة أن العجلة كانت نايمة ومجبوش سيرة عن مركز الصيانة والمصيبة اللي حصلت وانتهي الموضوع على كدا».


وتتلقى جريدة «النبأ»، شكاوى المواطنين على الإيميل التالي: [email protected] .

بالصور| تفاصيل انقلاب
بالصور| تفاصيل انقلاب
بالصور| تفاصيل انقلاب
بالصور| تفاصيل انقلاب
بالصور| تفاصيل انقلاب

ads