ads

مواطن يشكو من «سامسونج».. ويؤكد: معندهمش ضمان

شركة سامسونج - أرشيفية
شركة سامسونج - أرشيفية
ads


اشتكى المواطن إسلام جابر، من شركة «سامسونج»، بعد شراء شاشة «55mu7350»، وتعطلت بعد 3 أيام، وتعنت الشركة في عدم استبدالها بالرغم من وجوها في فترة الضمان.

وقال «جابر» في شكوته: «حبيت أحكى كل اللى حصل معايا فى مشكلتى مع سامسونج اشتريت شاشة سامسونج samsung 55mu7350 وباظت بعد 3 أيام رجعت لسامسونج وبعتلهم المشكلة على الواتس قالوا لي عيب مستخدم وبعد كده جالى فنى وقالى مقدرش أكتب غير كسر وبعد كده تواصلت مع سامسونج وبعد مشاكل قالوا لى هنعمل خصم 25% ودى اقصى حاجة ممكن نعملها معاك».

وأضاف: «وبعدين عرفت أن فى حد اشترى الشاشة 55mu7350، وبرضوا باظت بعد يوم استخدام وظهر نفس العيب اللى عندى بالضبط وبعد عرض مشكلتها بفترة سامسونج اخدت الشاشة ووديتها مصنع بنى سويف وقالو لها ده عيب مستخدم قالت لهم عيب مستخدم أزاى دى فيها عيب تصنيع وبعدها بحوالى أسبوعين بعتو لها الشاشة متغير لها البانل وتم الإصلاح مجانًا وأنا كلمت سامسونج بخصوص العميلة دي وموصلتش لحل معاهم».

وتابع: «وبعد كده روحت إدارة راية وقبلت مدير الصيانة وحكيت له مشكلتى كلها قالى انتظر هنتواصل مع سامسونج الهيد أوفيس وبعد 3 أيام حد كلمنى من سامسونج وقالى ممكن ميكونش العيب منك ممكن يكون من التخزين عند التاجر أو التاجر يكون حاطت كذا شاشة فوق بعض وده هيؤدى للعيب اللى هو عندك دلوقتى».

وواصل: «قالي إحنا مالناش سلطة على التاجر وقولت له طيب العميلة اللى مشكلتها اتحلت رد عليا رد غريب وقال لى ده حصل تحت ظروف ثانية وكان ارضاءً للعميلة وطبعا موصلتش معاه لحل وبعد كده روحت مقر سامسونج وروحت وقبلت حد من سامسونج واتكلمنا والكلام كله بمعنى اخرك عندنا 25% الخصم على الصيانة وطبعا الكلام معجبنيش قولت له عايز اقابل حد كبير أو مسئول يحل مشكلتى قال لى انتظر وجاء بعد نصف ساعة قال لى الإدارة بتقولك اللى هنقدر نعمله 50% خصم على الصيانة وده أخر قرار».

وأستكمل: «قولت لهم والعميلة اللى شاشتها زى بالضبط ومشكلتها اتحلت نهائى ومجانا وقالوا لى ارضاء للعميلة صلحنها مجانا طبعا كلام مالوش علاقة بالواقع خرجتنى عن شعورى وزعقت جامد وجالى مسئول وطبعا قالى نفس كلامها بالضبط قولت له هاتى الشرطة عايز أعمل محضر اثبات حالة طبعا الشرطة جاءت ولقيت طلع من مقر سامسونج واحد وقالى ممكن نتكلم كلمتين مع بعض».

وأستطرد: «إحنا دلوقتى لو عملنا محضر إحنا هنخسر وانت هتخسر قالى إحنا هنخسر سمعة وأنت هتخسر الـ50% الخصم واللى كمان فلوس الخصم هتخدها فلوس مش صيانة بس نخلى الشرطة تمشى الأول وعملنا محضر مكتوب فيه اختلاف فى البيع وتم الصلح ومشيت الشرطة، وقالى هنكلمك علشان نستلم منك الشاشة وتشوف هتاخد أيه بالفلوس لقيت مسئول من سامسونج بيكلمنى بعد يومين وبيقولى فى جروب أنت عامله اسمه سامسونج مصر معندهمش ضمان أنت الأدمن بتاعه قولت له أه وقالى انت عامل منشن لعميلة فى جروب عندها مشكلة بصراحة كلامه معجبنيش وقولت اشترى منه لقيت الكلام فيما معناه أنى أقفل الجروب ولقيته بيقولى اعتبر قرار سامسونج لاغى وأنت موضوعك فى الشئون القانونية وقعد يتكلم عن الجروب تانى وعرفت أن المشكلة فى وجود الجروب وقالى انتظر أرجع للإدارة وهكلمك تانى».

وختم: «طبعا قفلت المكالمة ودخلت النت على الجروب عادى وكتبت كل اللى نفسى فيه يعنى بقول لسامسونج اللى أنا عايز أقوله هقوله وماحدش هيكسرنى لقيته بيكلمنى بعديها بـ3 أيام وبيقولى سامسونج بتبلغ أن قرارهم لاغى قولت له لا قولهم أن قراركم بالنسبة لى أن لاغى هى دى ياجماعة سامسونج تشترى منهم المنتج وبعد كده يبوظ وبعد كده تتساوم فى حقك وبيقولى موضوعك فى الشئون».

وتتلقى جريدة «النبأ»، شكاوى المواطنين على الإيميل التالي: [email protected] .